[Rank]
In Visitatione Beatæ Mariæ Virginis;;Duplex II classis;;5.1;;ex C11

[Rank] (rubrica 196)
In Visitatione Beatæ Mariæ Virginis;;Duplex II classis;;5;;ex C11

[Rank] (rubrica cisterciensis)
In Visitatione Beatæ Mariæ Virginis;;Duplex I classis;;6;;ex C11

[Rule]
ex C11;
9 lectiones
Ipsa Virgo Virginum
Doxology=Nat
Antiphonas horas
Psalmi Dominica

[Ant Vespera]
Exsúrgens María, * ábiit in montána cum festinatióne in civitátem Juda.;;109
Intrávit María * in domum Zacharíæ, et salutávit Elísabeth.;;112
Ut audívit * salutatiónem Maríæ Elísabeth, exsultávit infans in útero ejus, et repléta est Spíritu Sancto, allelúja.;;121
Benedícta * tu inter mulíeres, et benedíctus fructus ventris tui.;;126
Ex quo facta est * vox salutatiónis tuæ in áuribus meis, exsultávit infans in útero meo, allelúja.;;147

[Responsory Vespera 1] (rubrica cisterciensis)
Responsorium.  Magníficat ánima mea Dóminum: et exsultávit spíritus meus in Deo, salutári meo. * Quia respéxit humilitátem ancíllæ suæ. 
V. Ecce enim ex hoc beátam me dicent omnes generatiónes.
R. Quia respéxit humilitátem ancíllæ suæ. 

[Versum 1]
V. Benedícta tu in muliéribus.
R. Et benedíctus fructus ventris tui.

[Ant 1]
Beáta es, * María, quæ credidísti: perficiéntur in te quæ dicta sunt tibi a Dómino, allelúja.

[Ant 1] (rubrica cisterciensis)
O quanta vis * amóris illibátæ tunc mentem accénderat Vírginis, ut in Spíritu sancto rapta jubiláret: Magnificat ánima mea Dóminum.

[Oratio]
Fámulis tuis, quǽsumus, Dómine, cæléstis grátiæ munus impertíre: ut, quibus beátæ Vírginis partus éxstitit salútis exórdium; Visitatiónis ejus votíva solémnitas, pacis tríbuat increméntum.
$Per Dominum

[Oratio] (rubrica cisterciensis)
Omnípotens sempitérne Deus, qui ex abundántia charitátis, beátam Maríam tuo Fílio fœcundátam ad salutatiónem Elísabeth inspirásti: ↊ præsta quæsumus; * ut per ejus Visitatiónem donis cœléstibus repleámur, ↊ et ab ómnibus adversitátibus eruámur.
$Per eumdem

[Invit]
Visitatiónem Vírginis Maríæ celebrémus: * Christum ejus Fílium adorémus Dóminum.

[Lectio1]
De Cánticis canticórum
!Cant 2:1-7
1 Ego flos campi et lílium convállium.
2 Sicut lílium inter spinas, sic amíca mea inter fílias.
3 Sicut malus inter ligna silvárum, sic diléctus meus inter fílios. Sub umbra illíus quem desideráveram sedi, et fructus ejus dulcis gútturi meo.
4 Introdúxit me in cellam vináriam, ordinávit in me caritátem.
5 Fulcíte me flóribus, stipáte me malis, quia amóre lángueo.
6 Læva ejus sub cápite meo, et déxtera illíus amplexábitur me.
7 Adjúro vos, fíliæ Jerúsalem, per cápreas cervósque campórum, ne suscitétis neque evigiláre faciátis diléctam, quoadúsque ipsa velit.

[Responsory1]
R. Surge, própera, amíca mea, formósa mea, et veni: jam enim hiems tránsiit, imber ábiit et recéssit:
* Vox túrturis audíta est in terra nostra.
V. Intrávit María in domum Zacharíæ et salutávit Elísabeth.
R. Vox túrturis audíta est in terra nostra.

[Lectio2]
!Cant 2:8-13
8 Vox dilécti mei: ecce iste venit sáliens in móntibus, transíliens colles.
9 Símilis est diléctus meus cápreæ hinnulóque cervórum. En ipse stat post paríetem nostrum respíciens per fenéstras, prospíciens per cancéllos.
10 En diléctus meus lóquitur mihi: Surge, própera, amíca mea, colúmba mea, formósa mea, et veni.
11 Jam enim hiems tránsiit, imber ábiit et recéssit,
12 flores apparuérunt in terra nostra, tempus putatiónis advénit, vox túrturis audíta est in terra nostra,
13 ficus prótulit grossos suos, víneæ floréntes dedérunt odórem suum.

[Responsory2]
@Commune/C11:Responsory5

[Lectio3]
!Cant 2:13-17
13 Surge, amíca mea, speciósa mea, et veni,
14 colúmba mea, in foramínibus petræ, in cavérna macériæ, osténde mihi fáciem tuam, sonet vox tua in áuribus meis: vox enim tua dulcis, et fácies tua decóra.
15 Cápite nobis vulpes párvulas, quæ demoliúntur víneas; nam vínea nostra flóruit.
16 Diléctus meus mihi, et ego illi, páscitur inter lília,
17 donec aspíret dies, et inclinéntur umbræ. Revértere; símilis esto, dilécte mi, cápreæ hinnulóque cervórum super montes Bether.

[Responsory3]
R. Repléta est Spíritu Sancto Elísabeth et exclamávit: Benedícta tu inter mulíeres, et benedíctus fructus ventris tui:
* Et unde hoc mihi, ut véniat mater Dómini mei ad me?
V. Ecce enim, ut facta est vox salutatiónis tuæ in áuribus meis, exsultávit in gáudio infans in útero meo.
R. Et unde hoc mihi, ut véniat mater Dómini mei ad me?
&Gloria
R. Et unde hoc mihi, ut véniat mater Dómini mei ad me?

[Lectio4]
Sermo sancti Joánnis Chrysóstomi
!Apud Metaphr. mense Julio
Cum ad nos advenísset Redémptor nostri géneris, venit prótinus ad suum amícum Joánnem, dum adhuc esset in ventre matris. Quem cum ex útero in útero aspexísset Joánnes, términos natúræ concútiens, exclámat: Vídeo Dóminum, qui natúræ impósuit términos, et non exspécto tempus nascéndi. Novem ménsium tempus mihi non est hic necessárium; in me est enim, qui est ætérnus. Egrédiar ex hoc tenebróso tabernáculo, rerum admirabílium compendiósam prædicábo cognitiónem. Sum signum: significábo Christi advéntum. Sum tuba: próferam Fílii Dei in carne dispensatiónem. Tuba canam; eo ipso patérnæ linguæ benedícam, et eam traham, ut loquátur. Tuba canam, et úterum matérnum vivificábo.

[Responsory4]
R. Ecce iste venit sáliens in móntibus, transíliens colles:
* Símilis est diléctus meus cápreæ hinnulóque cervórum.
V. Exsultávit ut gigas ad curréndam viam, a summo cælo egréssio ejus.
R. Símilis est diléctus meus cápreæ hinnulóque cervórum.

[Lectio5]
Vides, o dilécte, quam sit novum et admirábile mystérium. Nondum náscitur, et sáltibus lóquitur; nondum appáret, et minas inténtat; nondum ei permíttitur clamáre, et per facta audítur; nondum ducit vitam, et Deum prǽdicat; nondum áspicit lucem, et solem índicat; nondum páritur, et próperat præcúrrere. Non fert enim, præsénte Dómino, continéri; non sústinet natúræ exspectáre términos; sed conténdit rúmpere cárcerem ventris, et studet præsignificáre veniéntem Salvatórem. Accéssit, inquit, qui solvit víncula; et quid ego sédeo vinctus, et retíneor ut máneam? Venit Verbum, ut ómnia constítuat; et ego adhuc máneo deténtus? Exíbo, præcúrram, et prædicábo ómnibus: Ecce Agnus Dei, qui tollit peccátum mundi.

[Responsory5]
@Commune/C11:Responsory2

[Lectio6]
Sed dic nobis, Joánnes, cum adhuc in tenebróso matris útero contineáris, quómodo intuéris et audis? quómodo res divínas contempláris? quómodo éxsilis et exsúltas? Magnum est, inquit, quod perágitur mystérium, et actus ab humána remótus comprehensióne. Mérito ínnovo natúram propter eum, qui est innovatúrus ea quæ sunt supra natúram. Vídeo, etsi adhuc in útero sim; quóniam in útero gestári vídeo solem justítiæ. Auribus percípio, quóniam nascor vox magni Verbi. Exclámo, quóniam Fílium Patris unigénitum consídero carne indútum. Exsúlto, quóniam univérsi Effectórem vídeo formam, hóminis suscípere. Exsílio, quóniam mundi Redemptórem cógito incorporátum. Præcúrro advéntum ejus, et quodámmodo vobis prǽeo confessióne.

[Responsory6]
R. Beáta quæ credidísti, quóniam perficiéntur in te quæ dicta sunt tibi a Dómino. Et ait María:
* Magníficat ánima mea Dóminum.
V. Veníte, et audíte, et narrábo quanta fecit Deus ánimæ meæ.
R. Magníficat ánima mea Dóminum.
&Gloria
R. Magníficat ánima mea Dóminum.

[Lectio7]
Léctio sancti Evangélii secúndum Lucam
!Luc 1:39-47
In illo témpore: Exsúrgens María ábiit in montána cum festinatióne in civitáte Juda: et intrávit in domum Zacharíæ, et salutávit Elísabeth. Et réliqua.
_
Homilía sancti Ambrósii Epíscopi
!Liber 2 Comment. in Lucæ. cap. 1, post initium
Contuéndum est, quia supérior venit ad inferiórem, ut inférior adjuvétur: María ad Elísabeth, Christus ad Joánnem. Dénique étiam póstea, ut sanctificáret baptísmum Joánnis, Dóminus venit ad baptísmum. Cito quoque advéntus Maríæ et præséntiæ divínæ benefícia declarántur. Vide distinctiónem singulorúmque verbórum proprietátem. Vocem prior Elísabeth audívit, sed Joánnes prior grátiam sensit. Illa natúræ órdine audívit, iste exsultávit ratióne mystérii. Illa Maríæ, iste Dómini sensit advéntum. Istæ grátiam loquúntur, illi intus operántur, pietatísque mystérium matérnis adoriúntur proféctibus; duplicíque miráculo prophétant matres spíritu parvulórum. Exsultávit infans, repléta est mater. Non prius mater repléta, quam fílius; sed, cum fílius esset replétus Spíritu Sancto, replévit et matrem.

[Responsory7]
@Commune/C11:Responsory8

[Lectio8]
Et unde hoc mihi, ut véniat Mater Dómini mei ad me? Hoc est, Quo tantum bonum mihi áccidit, ut mater Dómini mei véniat ad me? Miráculum séntio, agnósco mystérium: Mater Dómini Verbo fœta, Deo plena est. Mansit autem María cum illa ménsibus tribus, et revérsa est in domum suam. Bene indúcitur sancta María et exhibuísse offícium, et mýsticum númerum custodísse.

[Responsory8]
R. Felix namque es, sacra Virgo María, et omni laude digníssima:
* Quia ex te ortus est sol justítiæ, * Christus, Deus noster.
V. Ora pro pópulo, intérveni pro clero, intercéde pro devóto femíneo sexu: séntiant omnes tuum juvámen, quicúmque célebrant tuam sanctam Visitatiónem.
R. Quia ex te ortus est sol justítiæ, Christus, Deus noster.
&Gloria
R. Christus, Deus noster.

[Lectio9]
Non enim sola familiaritátis est causa quod diu mansit, sed étiam tanti vatis proféctus. Nam, si primo ingréssu tantus proféctus éxstitit, ut ad salutatiónem Maríæ exsultáret infans in útero, replerétur Spíritu Sancto mater infántis; quantum putámus usu tanti témporis sanctæ Maríæ addidísse præséntiam? Ungebátur ítaque, et quasi bonus athléta exercebátur in útero matris Prophéta; amplíssimo enim virtus ejus certámini parabátur.
&teDeum

[Ant Laudes]
@:Ant Vespera:s/;;.*//g

[Ant Laudes] (rubrica cisterciensis)
In Maríæ * Vírginis útero paráta sedes tua, Deus, a sæculo.
Júbilet Deo * omnis terra, et cœlestis Hierarchía sérviat ei.
Fecit Dóminus *  poténtiam in bráchio suo, dispérsit supérbos mente cordis sui.
Depósuit poténtes * de sede, et exaltávit húmiles.
Esuriéntes implévit bonis * et dívites dimísit inánes.

[Capitulum Laudes] (rubrica cisterciensis)
!Cant. 2.
v. Ecce iste venit sáliens in móntibus, § transíliens colles: * símilis est diléctus meus cápreæ, hinnulóque cervórum.
$Deo gratias

[Versum 2]
@:Versum 1

[Ant 2]
Cum audísset * salutatiónem Maríæ Elísabeth, exclamávit voce magna et dixit: Unde hoc mihi, ut véniat Mater Dómini mei ad me? Allelúja.

[Ant 2] (rubrica cisterciensis)
Benedíctus * Dóminus, Deus Israël, quia visitávit, et fecit redemptiónem plebis suæ, sicut locútus est per os sanctórum

[Versum 3]
@:Versum 1

[Capitulum Sexta] (rubrica cisterciensis)
!Cant. 2.
v. Surge, própera, amíca mea, colúmba mea, formósa mea, et veni. * Jam enim hiems tránsiit, § imber ábiit, et recéssit. * Flores apparuérunt in terra nostra, § tempus putatiónis advénit.
$Deo gratias

[Capitulum Nona] (rubrica cisterciensis)
!Cant. 2.
v. Vox túrturis audíta est in terra nostra: § ficus prótulit grossos suos: * víneæ floréntes dedérunt odórem suum.
$Deo gratias

[Responsory Vespera] (rubrica cisterciensis)
R.br. Visitátio tua, * Dei Génitrix Virgo.
R. Visitátio tua, * Dei Génitrix Virgo.
V. Gáudium annuntiávit univérso mundo. 
R.br. Dei Génitrix Virgo.

[Ant 3] (rubrica cisterciensis)
Magníficet * Dóminum totum genus fidélium, cóncrepet harmónica laude cohors Angélica in Maríæ gáudia.