[Officium]
In Apparitione S. Michaëlis Archangeli

[Rank]
;;Duplex majus;;4;;
(sed rubrica cisterciensis)
;;Simplex;;1.2;;

[Rule]
proprium
9 lectiones
Psalmi Dominica 
(sed rubrica cisterciensis)
Psalmi Feria
Antiphonas horas
(rubrica 1570) Una Antiphona
Psalm5 Vespera=116
Psalm5 Vespera3=137
Contract8
Quorum Festum

[Ant Vespera]
Stetit Angelus * juxta aram templi, habens thuríbulum áureum in manu sua.
Dum præliarétur * Míchaël Archángelus cum dracóne, audíta est vox dicéntium: Salus Deo nostro, allelúja.
Archángele Míchaël, * constítui te príncipem super omnes ánimas suscipiéndas.
Angeli Dómini, * Dóminum benedícite in ætérnum.
Angeli, Archángeli, * Throni et Dominatiónes, Principátus et Potestátes, Virtútes cælórum, laudáte Dóminum de cælis, allelúja.

[Ant Vespera] (rubrica cisterciensis)
Allelúia, * allelúia, allelúia.

[Hymnus Vespera]
v. Te, splendor et virtus Patris,
Te vita, Jesu, córdium,
Ab ore qui pendent tuo, 
Laudámus inter Angelos.
_
Tibi mille densa míllium
Ducum coróna mílitat;
Sed éxplicat victor Crucem
Míchaël salútis sígnifer.
_
Dracónis hic dirum caput
In ima pellit tártara,
Ducémque cum rebéllibus
Cælésti ab arce fúlminat.
_
Contra ducem supérbiæ
Sequámur hunc nos príncipem,
Ut detur ex Agni throno
Nobis coróna glóriæ.
_
Deo Patri sit glória,
Qui, quos redémit Fílius,
Et Sanctus unxit Spíritus,
Per Angelos custódiat.
Amen.

[HymnusM Vespera]
v. Tibi Christe splendor Patris,
Vita, virtus córdium,
In conspéctu Angelórum,
Votis, voce psállimus:
Alternántes concrepándo
Melos damus vócibus.
_
Collaudámus venerántes
Omnes cæli mílites,
Sed præcípue Primátem
Cæléstis exércitus:
Michaélem in virtúte
Conteréntem zábulum.
_
Quo custóde procul pelle,
Rex Christe piíssime,
Omne nefas inimíci:
Mundo cord[e] et córpore,
Paradíso redde tuo
Nos sola cleméntia.
_
Glóriam Patri melódis
Personémus vócibus,
Glóriam Christo canámus,
Glóriam Paráclito,
Qui trinus et unus Deus
Exstat ante sǽcula.
Amen.

[Responsory Vespera] (rubrica cisterciensis)
@Sancti/08-06:Responsory Tertia

[Versum 1]
V. Stetit Angelus juxta aram templi.
R. Habens thuríbulum áureum in manu sua.

[Versum 1] (rubrica cisterciensis)
@Sancti/05-08:Versum 3

[Ant 1]
Dum sacrum mystérium * cérneret Joánnes, Archángelus Míchaël tuba cécinit: Ignósce, Dómine, Deus noster, qui áperis librum, et solvis signácula ejus, allelúja.

[Ant 1] (rubrica cisterciensis)
Dum sacrum mystérium * cérneret Joánnes, Archángelus Míchaël tuba cécinit: Dignus es, Dómine, Deus noster, accípere librum, et aperíre signácula ejus, allelúia.

[Oratio]
Deus, qui, miro órdine, Angelórum ministéria hominúmque dispénsas: concéde propítius; ut, a quibus tibi ministrántibus in cælo semper assístitur, ab his in terra vita nostra muniátur. 
$Per Dominum

[Invit]
Regem Archangelórum Dóminum, * Veníte, adorémus. (Allelúja.)

[Hymnus Matutinum]
@:Hymnus Vespera

[HymnusM Matutinum]
@:HymnusM Vespera

[Ant Matutinum]
Concússum est mare, * et contrémuit terra, ubi Archángelus Míchaël descendébat de cælo, allelúja.;;8
;;10
;;14
V. Stetit Angelus juxta aram templi, allelúja.
R. Habens thuríbulum áureum in manu sua, allelúja.
Míchaël Archángele, * veni in adjutórium pópulo Dei, allelúja.;;18
;;23
;;33
V. Ascéndit fumus arómatum in conspéctu Dómini, allelúja.
R. De manu Angeli, allelúja.
Angelus Archángelus Míchaël, * Dei núntius pro animábus justis, allelúja, allelúja.;;95
;;96
;;102
V. In conspéctu Angelórum psallam tibi, Deus meus, allelúja.
R. Adorábo ad templum sanctum tuum, et confitébor nómini tuo, allelúja.

[Nocturn 1 Versum]
V. Stetit Angelus juxta aram templi, allelúja.
R. Habens thuríbulum áureum in manu sua, allelúja.

[Nocturn 2 Versum] (rubrica cisterciensis)
V. Data sunt ei incénsa multa.
R. Ut adoléret ea ante altáre áureum.

[Nocturn 3 Versum] (rubrica cisterciensis)
V. Ascéndit fumus arómatum in conspéctu Dómini.
R. De manu Angeli.

[Lectio1]
De Daniéle Prophéta
!Dan 7:9-11
9 Aspiciébam donec throni pósiti sunt, et antíquus diérum sedit. Vestiméntum ejus cándidum quasi nix, et capílli cápitis ejus quasi lana munda, thronus ejus flammæ ignis, rotæ ejus ignis accénsus. 
10 Flúvius ígneus rapidúsque egrediebátur a fácie ejus; míllia míllium ministrábant ei, et décies míllies centéna míllia assistébant ei. Judícium sedit, et libri apérti sunt. 
11 Aspiciébam propter vocem sermónum grándium, quos cornu illud loquebátur; et vidi quóniam interfécta esset béstia, et perísset corpus ejus, et tráditum esset ad comburéndum igni.

[Responsory1]
R. Factum est siléntium in cælo, dum commítteret bellum draco cum Michaéle Archángelo: 
* Audíta est vox míllia míllium dicéntium: Salus, honor et virtus omnipoténti Deo. (Allelúja.)
V. Míllia míllium ministrábant ei, et décies centéna míllia assistébant ei.
R. Audíta est vox míllia míllium dicéntium: Salus, honor et virtus omnipoténti Deo. (Allelúja.)

[Lectio2]
!Dan 10:4-8
4 Die autem vigésima et quarta mensis primi, eram juxta flúvium magnum, qui est Tigris. 
5 Et levávi óculos meos, et vidi: et ecce vir unus vestítus líneis, et renes ejus accíncti auro obrýzo;
6 et corpus ejus quasi chrysólithus, et fácies ejus velut spécies fúlguris, et óculi ejus ut lampas ardens, et brácchia ejus, et quæ deórsum sunt usque ad pedes, quasi spécies æris candéntis; et vox sermónum ejus ut vox multitúdinis. 
7 Vidi autem ego Dániel solus visiónem; porro viri qui erant mecum non vidérunt; sed terror nímius írruit super eos, et fugérunt in abscónditum. 
8 Ego autem, relíctus solus, vidi visiónem grandem hanc, et non remánsit in me fortitúdo, sed et spécies mea immutáta est in me, et emárcui nec hábui quidquam vírium.

[Responsory2]
R. Stetit Angelus juxta aram templi, habens thuríbulum áureum in manu sua, et data sunt ei incénsa multa: 
* Et ascéndit fumus arómatum de manu Angeli in conspéctu Dómini. (Allelúja.)
V. In conspéctu Angelórum psallam tibi: adorábo ad templum sanctum tuum, et confitébor nómini tuo, Dómine.
R. Et ascéndit fumus arómatum de manu Angeli in conspéctu Dómini. (Allelúja.)

[Lectio3]
!Dan 10:9-14
9 Et audívi vocem sermónum ejus: et áudiens jacébam consternátus super fáciem meam, et vultus meus hærébat terræ. 
10 Et ecce manus tétigit me, et eréxit me super génua mea et super artículos mánuum meárum. 
11 Et dixit ad me: Dániel, vir desideriórum, intéllege verba quæ ego loquor ad te, et sta in gradu tuo; nunc enim sum missus ad te. Cumque dixísset mihi sermónem istum, steti tremens. 
12 Et ait ad me: Noli metúere, Dániel; quia, ex die primo quo posuísti cor tuum ad intellegéndum, ut te afflígeres in conspéctu Dei tui, exaudíta sunt verba tua, et ego veni propter sermónes tuos. 
13 Princeps autem regni Persárum réstitit mihi vigínti et uno diébus; et ecce Míchaël, unus de princípibus primis, venit in adjutórium meum, et ego remánsi ibi juxta regem Persárum. 
14 Veni autem ut docérem te quæ ventúra sunt pópulo tuo in novíssimis diébus, quóniam adhuc vísio in dies.

[Responsory3]
R. In conspéctu Angelórum psallam tibi, et adorábo ad templum sanctum tuum: 
* Et confitébor nómini tuo, Dómine. (Allelúja.)
V. Super misericórdia tua et veritáte tua: quóniam magnificásti super nos nomen sanctum tuum.
R. Et confitébor nómini tuo, Dómine. (Allelúja.)
&Gloria
R. Et confitébor nómini tuo, Dómine. (Allelúja.)

[Lectio4]
Beátum Michaélem Archángelum sǽpius homínibus apparuísse, et sacrórum Librórum auctoritáte et véteri Sanctórum traditióne comprobátur. Quam ob rem multis in locis facti memória celebrátur. Eum, ut olim synagóga Judæórum, sic nunc custódem et patrónum Dei venerátur Ecclésia. Gelásio autem primo, Pontífice máximo, in Apúlia in vértice Gargáni montis, ad cujus radíces íncolunt Sipontíni, Archángeli Michaélis fuit illústris apparítio. 

[Responsory4]
R. Hic est Míchaël Archángelus, princeps milítiæ Angelórum, 
* Cujus honor præstat benefícia populórum, et orátio perdúcit ad regna cælórum. (Allelúja.)
V. Archángelus Míchaël præpósitus paradísi, quem honoríficant Angelórum cives.
R. Cujus honor præstat benefícia populórum, et orátio perdúcit ad regna cælórum. (Allelúja.)

[Lectio5]
Factum est enim, ut ex grégibus armentórum Gargáni cujúsdam taurus longe discéderet; quem diu conquisítum, in áditu spelúncæ hæréntem invenérunt. Cum vero quidam ex illis, ut taurum confígeret, sagíttam emisísset retórta sagítta in ipsum récidit sagittárium. Quæ res cum præséntes ac deínceps céteros tanto timóre affecísset, ut ad eam spelúncam própius accédere nemo audéret, Sipontíni epíscopum cónsulunt; qui, indícto trium diérum jejúnio et oratióne, rem a Deo respóndit quæri oportére.

[Responsory5]
R. Venit Míchaël Archángelus cum multitúdine Angelórum, cui trádidit Deus ánimas Sanctórum, 
* Ut perdúcat eas in paradísum exsultatiónis. (Allelúja.)
V. Emítte, Dómine, Spíritum sanctum tuum de cælis, spíritum sapiéntiæ et intelléctus.
R. Ut perdúcat eas in paradísum exsultatiónis. (Allelúja.)

[Lectio6]
Post tríduum Míchaël Archángelus epíscopum monet in sua tutéla esse eum locum, eóque indício demonstrásse, velle ibi cultum Deo in sui et Angelórum memóriam adhibéri. Quare epíscopus una cum cívibus ad eam spelúncam ire pergit. Quam cum in templi cujúsdam similitúdinem conformátam vidíssent, locum illum divínis offíciis celebráre cœpérunt:: qui multis póstea miráculis illustrátus est. Nec ita multo post Bonifátius Papa, Romæ in summo circo, sancti Michaélis ecclésiam dedicávit tértio Kaléndas Octóbris; quo die étiam ómnium Angelórum memóriam Ecclésia celébrat. Hodiérnus autem dies Archángeli Michaélis apparitióne consecrátus est.

[Responsory6]
R. In témpore illo consúrget Míchaël, qui stat pro fíliis vestris: 
* Et véniet tempus, quale non fuit, ex quo gentes esse cœpérunt, usque ad illud. (Allelúja.)
V. In témpore illo salvábitur pópulus tuus omnis, qui invéntus fúerit scriptus in libro vitæ.
R. Et véniet tempus, quale non fuit, ex quo gentes esse cœpérunt, usque ad illud. (Allelúja.)
&Gloria
R. Et véniet tempus, quale non fuit, ex quo gentes esse cœpérunt, usque ad illud. (Allelúja.)

[Lectio94]
@:Lectio4
@:Lectio6:s/.*(Nec ita)/$1/s
&teDeum

[Lectio7]
Léctio sancti Evangélii secúndum Matthǽum
!Matt 18:1-10
In illo témpore: Accessérunt discípuli ad Jesum, dicéntes: Quis, putas, major est in regno cælórum? Et réliqua.
_
Homilía sancti Hilárii Epíscopi
!Comment in Matth. can. 18
Nónnisi revérsos in natúram puerórum introíre regnum cælórum Dóminus docet: id est, per simplicitátem puerílem vítia córporum nostrórum animǽque revocánda. Púeros autem, credéntes omnes per audiéntiæ fidem nuncupávit. Hi enim patrem sequúntur, matrem amant, próximo velle malum nésciunt, curam opum négligunt; non insoléscunt, non odérunt, non mentiúntur, dictis credunt, et quod áudiunt, verum habent. Reverténdum ígitur est ad simplicitátem infántium; quia, in ea collocáti, spéciem humilitátis Domínicæ circumferémus.

[Responsory7]
R. In conspéctu géntium nolíte timére; vos enim in córdibus vestris adoráte et timéte Dóminum; 
* Angelus enim ejus vobíscum est. (Allelúja.)
V. Stetit Angelus juxta aram templi, habens thuríbulum áureum in manu sua.
R. Angelus enim ejus vobíscum est. (Allelúja.)

[Lectio8]
Væ huic mundo ab scándalis. Humílitas passiónis scándalum mundo est. In hoc enim máxime ignorántia detinétur humána, quod sub deformitáte crucis, ætérnæ glóriæ Dóminum nóluit accípere. Et quid mundo tam periculósum, quam non recepísse Christum? Ideo vero necésse esse ait veníre scándala; quia, ad sacraméntum reddéndæ nobis æternitátis, omnis in eo passiónis humílitas esset explénda.

[Responsory8]
R. Míchaël Archángelus venit in adjutórium pópulo Dei, 
* Stetit in auxílium pro animábus justis. (Allelúja.)
V. Stetit Angelus juxta aram templi, habens thuríbulum áureum in manu sua.
R. Stetit in auxílium pro animábus justis. (Allelúja.)
&Gloria
R. Stetit in auxílium pro animábus justis. (Allelúja.)

[Lectio9]
Vidéte ne contemnátis unum de pusíllis istis, qui credunt in me. Aptíssimum vínculum mútui amóris impósuit, ad eos præcípue qui vere in Dómino credidíssent. Pusillórum enim Angeli quotídie Deum vident: quia Fílius hóminis venit salváre quæ pérdita sunt. Ergo et Fílius hóminis salvat, et Deum Angeli vident, et Angeli pusillórum præsunt fidélium oratiónibus. Præésse Angelos absolúta auctóritas est. Salvatórum ígitur per Christum oratiónes Angeli quotídie Deo ófferunt. Ergo periculóse ille contémnitur, cujus desidéria ac postulatiónes ad ætérnum et invisíbilem Deum, ambitióso Angelórum famulátu ac ministério, pervehúntur.
&teDeum

[Versum 0]
V. Gloriósus apparuísti in conspéctu Dómini.
R. Proptérea decórem índuit te Dóminus.

[Ant Laudes]
@:Ant Vespera

[Capitulum Laudes]
!Apo 1:1-2
v. Significávit Deus, quæ opórtet fíeri cito, loquens per Angelum suum servo suo Joánni, qui testimónium perhíbuit verbo Dei, et testimónium Jesu Christi, quæcúmque vidit.
$Deo gratias

[Responsory Laudes] (rubrica cisterciensis)
@:Responsory Tertia

[Hymnus Laudes]
v. Christe, sanctórum decus Angelórum,
Gentis humánæ Sator et Redémptor,
Cǽlitum nobis tríbuas beátas
Scándere sedes.
_
Angelus pacis Míchaël in ædes
Cǽlitus nostras véniat, serénæ
Auctor ut pacis lacrimósa in orcum
Bella reléget.
_
Angelus fortis Gábriel, ut hostes
Pellat antíquos, et amíca cælo,
Quæ triumphátor státuit per orbem,
Templa revísat.
_
Angelus nostræ médicus salútis,
Adsit e cælo Ráphaël, ut omnes
Sanet ægrótos, dubiósque vitæ
Dírigat actus.
_
Virgo dux pacis Genetríxque lucis,
Et sacer nobis chorus Angelórum
Semper assístat, simul et micántis
Régia cæli.
_
Præstet hoc nobis Déitas beáta
Patris, ac Nati, paritérque Sancti
Spíritus, cujus résonat per omnem
Glória mundum.
Amen.

[HymnusM Laudes]
v. Christe sanctórum decus Angelórum,
Rector humáni géneris et auctor:
Nobis ætérnum tríbue benígnus
Scándere cælum.
_
Angelum pacis Míchaël ad istam
Cǽlitus mitti rogitámus aulam,
Nobis ut crebro veniénte crescant
Próspera cuncta.
_
Angelus fortis Gábriel, ut hostem
Pellat antíquum, vólitet ab alto,
Sǽpius templum véniens ad istud
Vísere nostrum.
_
Angelum nobis médicum salútis
Mitte de cælis Ráphaël, ut omnes
Sanet ægrótos, paritérque nostros
Dírigat actus.
_
Hinc Dei nostri Génitrix María,
Totus et nobis chorus Angelórum
Semper assístat, simul et beáta
Cóncio tota.
_
Præstet hoc nobis Déitas beáta
Patris, ac Nati, paritérque Sancti
Spíritus, cujus réboat in omni
Glória mundo. Amen.

[Versum 2]
@:Versum 1

[Versum 2] (rubrica cisterciensis)
@:Responsory Nona:8-9:s/Deum/Dóminum/ s/Bohu/Hospodinu/

[Ant 2]
Factum est * siléntium in cælo, dum draco commítteret bellum; et Míchaël pugnávit cum eo, et fecit victóriam, allelúja.

[Lectio Prima]
!Apo 12:7-8
v. Factum est prǽlium magnum in cælo: Míchaël et Angeli ejus præliabántur cum dracóne, et draco pugnábat et ángeli ejus: et non prævaluérunt, neque locus invéntus est eórum ámplius in cælo.

[Responsory Tertia]
R.br. Stetit Angelus * Juxta aram templi.
R. Stetit Angelus * Juxta aram templi.
V. Habens thuríbulum áureum in manu sua.
R. Juxta aram templi.
&Gloria
R. Stetit Angelus * Juxta aram templi.
_
V. Ascéndit fumus arómatum in conspéctu Dómini.
R. De manu Angeli. 

[Capitulum Sexta]
!Apo 5:11-12
v. Audívi vocem Angelórum multórum in circúitu throni, et animálium et seniórum; et erat númerus eórum míllia míllium, voce magna dicéntium: Salus Deo nostro.
$Deo gratias

[Responsory Sexta]
R.br. Ascéndit fumus arómatum * In conspéctu Dómini.
R. Ascéndit fumus arómatum * In conspéctu Dómini.
V. De manu Angeli.
R. In conspéctu Dómini.
&Gloria
R. Ascéndit fumus arómatum * In conspéctu Dómini.
_
@:Versum 3

[Capitulum Nona]
@:Lectio Prima
$Deo gratias

[Responsory Nona]
R.br. In conspéctu Angelórum * Psallam tibi, Deus meus.
R. In conspéctu Angelórum * Psallam tibi, Deus meus.
V. Adorábo ad templum sanctum tuum, et confitébor nómini tuo.
R. Psallam tibi, Deus meus.
&Gloria
R. In conspéctu Angelórum * Psallam tibi, Deus meus.
_
V. Adoráte Deum.
R. Omnes Angeli ejus.

[Versum 3]
V. In conspéctu Angelórum psallam tibi, Deus meus.
R. Adorábo ad templum sanctum tuum, et confitébor nómini tuo.

[Ant 3]
Princeps gloriosíssime, * Míchaël Archángele, esto memor nostri: hic et ubíque semper precáre pro nobis Fílium Dei, allelúja, allelúja.