[Officium]
S. Joseph Sponsi B.M.V. Confessoris

[Rank]
;;Duplex II classis;;5;;

[Rule]
proper
Psalmi Dominica
Antiphonas horas
9 lectiones;
Una Antiphona
Psalm5 Vespera=116

[Ant Vespera]
Jacob autem * génuit Joseph, virum Maríæ, de qua natus est Jesus, qui vocátur Christus, allelúja.
Missus est * Angelus Gabriel a Deo in civitátem Galilææ, cui nomen Nazareth, ad Vírginem desponsatam viro, cui nomen erat Joseph, allelúja.
Ascéndit autem * Joseph a Galilæa de civitáte Nazareth in Judǽam, in civitátem David, quæ vocátur Bethlehem, allelúja.
Et venérunt festinántes, * et invenérunt Mariam, et Joseph, et Infántem positum in præsepio, allelúja.
Et ipse Jesus * erat incípiens quasi annórum trigínta, ut putabátur, fílius Joseph, allelúja.

[Hymnus Vespera]
@Sancti/03-19:Hymnus Vespera

[Versum 1]
V. Constítuit eum dóminum domus suæ, allelúja.
R. Et príncipem omnis possessiónis suæ, allelúja.

[Ant 1]
Cum esset desponsáta * Mater Jesu Maria Joseph, antequam convenírent, invénta est in útero habens de Spíritu Sancto, allelúja.

[Oratio]
Deus, qui ineffábili providéntia beátum Joseph sanctíssimæ Genitrícis tuæ sponsum eligere dignátus es: præsta, quǽsumus; ut, quem protectórem venerámur in terris, intercessórem habere mereámur in cælis:
$Qui vivis

[Invit]
Laudémus Deum nostrum * In veneratióne beáti Joseph, protectóris nostri, allelúja.

[Hymnus Matutinum]
@Sancti/03-19:Hymnus Vespera

[Ant Matutinum]
Angelus Dómini * appáruit in somnis Joseph, dicens: Surge, et accipe Puerum et Matrem ejus, et fuge in Ægyptum; et esto ibi usque dum dicam tibi, allelúja.;;1
;;2
;;3
V. Confitébor nómini tuo, allelúja.
R. Quóniam adjútor et protéctor factus es mihi, allelúja.
Angelus Dómini * appáruit in somnis Joseph, dicens: Surge, et accipe Puerum et Matrem ejus, et vade in terram Israël; defuncti sunt enim qui quærébant ánimam Pueri, allelúja.;4
;;5
;;6
V. Réspice de cælo, et vide, et vísita víneam istam, allelúja.
R. Et pérfice eam, allelúja.
Consurgens Joseph, * accépit Puerum et Matrem ejus, et venit in terram Israël; et habitávit in civitáte, quæ vocátur Názareth, allelúja.;;14
;;20
;;23
V. Invocávi Dóminum, Patrem Dómini mei, allelúja.
R. Ut non derelínquat me in die tribulatiónis, allelúja.

[Lectio1]
De libro Genesis.
!Gen 39:1-6
1 Joseph, ígitur ductus est in Ægyptum, emitque eum Pútiphar eunuchus pharaónis, princeps exercitus, vir Ægyptius, de manu Ismaëlitárum, a quibus perductus erat. 
2 Fuitque Dóminus cum eo, et erat vir in cunctis próspere agens: habitavítque in domo dómini sui,
3 qui optime nóverat Dóminum esse cum eo, et ómnia quæ gereret, ab eo dírigi in manu illíus. 
4 Invenitque Joseph grátiam coram domino suo, et ministrábat ei: a quo præpositus ómnibus gubernábat creditam sibi domum et univérsa quæ ei trádita fúerant;
5 benedixítque Dóminus domui Ægyptii propter Joseph, et multiplicávit tam in ædibus quam in agris cunctam ejus substantiam;
6 nec quidquam aliud nóverat, nisi panem quo vescebátur. Erat autem Joseph pulchra fácie et decorus aspectu.

[Responsory1]
R. Clamávit pópulus ad regem, aliménta petens; 
* Quibus ille respóndit: Ite ad Joseph, allelúja.
V. Salus nostra in manu tua est: réspice nos tantum, et læti serviémus regi.
R. Quibus ille respóndit: Ite ad Joseph, allelúja.

[Lectio2]
!Gen 41:37-43
37 Placuit pharaoni consílium Joseph, et cunctis minístris ejus;
38 locutúsque est ad eos: Num inveníre potérimus talem virum, qui Spíritu Dei plenus sit?
39 Dixit ergo ad Joseph: Quia osténdit tibi Deus ómnia quæ locútus es, numquid sapientiórem et consimilem tui inveníre potero? 
40 Tu eris super domum meam, et ad tui oris impérium cunctus pópulus obediet; uno tantum regni sólio te præcedam. 
41 Dixitque rursus pharao ad Joseph: Ecce constitui te super universam terram Ægypti. 
42 Tulitque anulum de manu sua, et dedit eum in manu ejus; vestivítque eum stola byssina, et collo torquem auream circumpósuit. 
43 Fecitque eum ascendere super currum suum secúndum, clamante præcone, ut omnes coram eo genuflécterent et præpositum esse scirent univérsæ terræ Ægypti.

[Responsory2]
R. Fecit me Deus quasi patrem regis, et dóminum univérsæ domus ejus: 
* Exaltávit me, ut salvos fáceret multos pópulos, allelúja.
V. Veníte ad me, et ego dabo vobis ómnia bona Ægypti, ut comedatis medullam terræ.
R. Exaltávit me, ut salvos fáceret multos pópulos, allelúja.

[Lectio3]
!Gen 41:44-49
44 Dixit quoque rex ad Joseph: Ego sum pharao: absque tuo imperio non movébit quisquam manum aut pedem in omni terra Ægypti. 
45 Vertitque nomen ejus, et vocávit eum lingua Ægyptíaca Salvatórem mundi. Deditque illi uxórem Aseneth, filiam Putiphare sacerdotis Heliopóleos. Egréssus est ítaque Joseph ad terram Ægypti 
46 (trigínta autem annórum erat quando stetit in conspéctu regis pharaónis), et circuívit omnes regiónes Ægypti. 
47 Venitque fertilitas septem annórum: et in manipulos redactæ séteges congregátæ sunt in horrea Ægypti. 
48 Omnis étiam frugum abundántia in singulis urbibus cóndita est. 
49 Tántaque fuit abundántia trítici, ut arenæ maris coæquarétur, et copia mensúram excederet.

[Responsory3]
R. Jam lætus moriar, quia vidi fáciem tuam, et supérstitem te relinquo. Non sum fraudátus aspectu tuo: 
* Insuper osténdit mihi Dóminus semen tuum, allelúja.
V. Qui pascit me ab adolescéntia mea, benedícat púeris istis, et invocétur super eos nomen meum.
R. Insuper osténdit mihi Dóminus semen tuum, allelúja.
&Gloria
R. Insuper osténdit mihi Dóminus semen tuum, allelúja.

[Lectio4]
Sermo sancti Bernardini Senensis. 
!Sermo 1 de S. Joseph. 
Omnium singulárium gratiárum alícui rationábili creaturæ communicatárum generalis régula est, quod, quandocúmque divina grátia eligit aliquem ad aliquam grátiam sublimem statum, ómnia charísmata donet, quæ illi personæ sic electæ et ejus officio necessaria sunt atque illam copiose décorant. Quod maxime verificátum est in sancto Joseph, putativo patre Dómini nostri Jesu Christi, et vero sponso Reginæ mundi et Dominæ Angelórum; qui ab ætérno Patre eléctus est fidélis nutritius atque custos principálium thesaurórum suórum, scilicet Fílii ejus et Sponsæ suæ: quod offícium fidelíssime prosecutus est. Cui proptérea Dóminus ait: Serve bone et fidélis, intra in gáudium Dómini tui.

[Responsory4]
R. Dedísti mihi protectiónem salútis tuæ et déxtera tua suscépit me: 
* Protéctor meus et cornu salútis meæ et suscéptor meus, allelúja.
V. Ego protéctor tuus sum et merces tua magna nimis.
R. Protéctor meus et cornu salútis meæ et suscéptor meus, allelúja.

[Lectio5]
Si cómpares eum ad totam Ecclésiam Christi, nonne iste est homo eléctus et specialis, per quem et sub quo Christus est ordinate et honeste introductus in mundum? Si ergo Virgini Matri tota Ecclésia sancta débitrix est, quia per eam Christum suscipere digna facta est; sic profecto post eam huic debet grátiam et reveréntiam singularem. Ipse enim est clavis veteris Testamenti, in qua patriarchalis et prophétalis dignitas promissum consequitur fructum. Porro hic est solus, qui corporáliter possedit, quod eis divina dignátio repromisit. Merito ígitur figurátur per illum patriarcham Joseph, qui pópulis fruménta servávit. Sed et hic illum præcellit, quia non solum Ægyptiis panem corporalis vitæ, sed ómnibus eléctis Panem de cælo, qui cælestem vitam tríbuit, cum multa solertia enutrívit.

[Responsory5]
R. Statuet fílios suos sub tégmine illíus et sub ramis ejus morábitur; protegétur sub tégmine illíus a fervore: 
* Et in glória ejus requiéscet, allelúja.
V. Speráte in eo, omnis congregátio pópuli, effúndite coram illo corda vestra.
R. Et in glória ejus requiéscet, allelúja.

[Lectio6]
Profecto dubitándum non est, quod Christus familiaritátem, reveréntiam atque sublimíssimam dignitátem, quam illi exhibuit, dum ágeret in humanis, tamquam fílius patri suo, in cælis útique non negávit, quin potius complevit et consummávit. Unde non immérito in verbo proposito a Dómino subinfertur: Intra in gáudium Dómini tui. Unde, licet gáudium ætérnæ beatitúdinis in cor hóminis intret, maluit tamen Dóminus ei dicere, Intra in gáudium; ut mystice innuátur, quod gáudium illud non solum in eo sit intra, sed undique illum circumdans et absorbens, et ipsum velut abyssus infinita submergens. Meménto ígitur nostri, beate Joseph, et tuæ oratiónis suffragio apud tuum putativum Fílium intercede; sed et beatíssimam Vírginem sponsam tuam nobis propítiam redde, quæ Mater est ejus, qui cum Patre et Spíritu Sancto vivit et regnat per infinita sæcula sæculórum. Amen.

[Responsory6]
R. Si consístant advérsum me castra, non timébit cor meum: 
* Si exsúrgat advérsum me prælium, in hoc ego sperábo, allelúja.
V. In te cantátio mea semper, quóniam tu adjútor fortis.
R. Si exsúrgat advérsum me prælium, in hoc ego sperábo, allelúja.
&Gloria
R. Si exsúrgat advérsum me prælium, in hoc ego sperábo, allelúja.

[Lectio7]
Léctio sancti Evangélii secúndum Lucam.
!Luc 3:21-23
In illo témpore: Factum est autem cum baptizarétur omnis pópulus, et Jesu baptizato et orante, apertum est cælum. Et réliqua.
_
Homilía sancti Augustíni Epíscopi.
!Liber 2. de Consensu Evang.
Manifestum est illud quod ait, Ut putabátur fílius Joseph, propter illos dixisse, qui eum ex Joseph, sicut alii hómines nascúntur, natum arbitrántur. Quos autem movet, quod alios progenitores Matthæus enumerat, descéndens a David usque ad Joseph, alios autem Lucas, ascéndens a Joseph usque ad David; facile est, ut advertant duos patres habere potuísse Joseph: unum, a quo génitus, álterum, a quo fúerit adoptatus. Antíqua est enim consuetúdo adoptándi étiam in illo pópulo Dei, ut sibi fílios fácerent, quos non ipsi genuissent. Unde intellígitur Lucas patrem Joseph, non a quo génitus, sed a quo fuerat adoptatus, suscepísse in Evangelio suo, cujus progenitores sursum versus commemorat, donec exíret ad David.

[Responsory7]
R. Joseph, fili David, noli timere accípere Mariam cónjugem tuam; quod enim in ea natum est, de Spíritu Sancto est; pariet autem fílium, 
* Et vocábis nomen ejus Jesum, allelúja.
V. Ipse enim salvum fáciet pópulum suum a peccátis eórum.
R. Et vocábis nomen ejus Jesum, allelúja.

[Lectio8]
Cum enim necesse sit, utroque Evangelista vera narrante, et Matthæo scilicet et Luca, ut unus eórum ejus patris originem teneret qui genuerat, alter ejus qui adoptaverat Joseph; quem probabílius intelligimus adoptántis originem tenuisse quam eum, qui nóluit Joseph génitum dicere ab illo cujus eum fílium esse narrabat? Matthæus autem dicens, Abraham génuit Isaac, Isaac génuit Jacob, atque ita in hoc verbo, quod est, Génuit, persevérans, donec in ultimo diceret, Jacob autem génuit Joseph; satis expressit ad eum patrem se perduxisse originem generatium, a quo Joseph non adoptatus, sed génitus erat. Quamquam si étiam Lucas génitum diceret Joseph ab Heli, nec sic nos hoc verbum perturbare deberet, ut aliud crederémus quam ab uno Evangelista gignentem, ab altero adoptántem patrem fuísse commemorátum. Neque enim absurde quisque dícitur non carne sed caritate genuisse, quem fílium sibi adoptaverit. At vero étiam nos, quibus dedit Deus potestátem fílios ejus fíeri, de natúra atque substántia sua non nos génuit, sicut unicum Fílium, sed útique dilectióne adoptávit.

[Responsory8]
R. Surge, et accipe puerum et matrem ejus, et fuge in Aegyptum:
* Et esto ibi usque dum dicam tibi, allelúja.
V. Ut adimpleretur quod dictum est a Domino per Prophetam dicentem: Ex Aegypto vocavi filium meum.
R. Et esto ibi usque dum dicam tibi, allelúja.
&Gloria
R. Et esto ibi usque dum dicam tibi, allelúja.

[Lectio9]
Léctio sancti Evangélii secúndum Joánnem.
!Joannes 16:16-22
In illo témpore: Dixit Jesus discipulis suis: Modicum, et jam non
videbitis me: et iterum modicum, et videbitis me quia vado ad Patrem. Et reliqua.
_
Homilia sancti Augustíni Epíscopi.
!Tr. 101 in Joann., sub fine.
Modicum est hoc totum spatium, quo præsens pervolat sæculum. Unde dicit idem ipse Evangelista in Epistola sua: Novissima hora est. Ideo namque addidit: Quia
vado ad Patrem: quod ad priorem sententiam referendum est, ubi ait: Modicum, et jam non videbitis me: non ad posteriorem, ubi ait: Et iterum modicum, et
videbitis me. Eundo quippe ad Patrem, facturus erat ut eum non viderent. Ac per hoc non ideo dictum est, quia fuerat moriturus, et donec resurgeret, ab eorum aspectibus recessurus: sed quod esset iturus ad Patrem, quod fecit posteaquam resurrexit, et, cum eis per quadraginta dies conversatus, ascendit in cælum.

[Ant Laudes]
@:Ant Vespera

[Capitulum Laudes]
!Gen 49:26
v. Benedictiónes patris tui confortátæ sunt benedictiónibus patrum ejus, donec veníret Desidérium collium æternórum: fiant in cápite Joseph, et in vértice Nazaræi inter fratres suos.
$Deo gratias

[Hymnus Laudes]
@Sancti/03-19:Hymnus Matutinum

[Versum 2]
V. Dedísti mihi protectiónem salútis tuæ, allelúja.
R. Et déxtera tua suscépit me, allelúja.

[Ant 2]
Joseph, fili David, * noli timere accípere Mariam conjugem tuam; quod enim in ea natum est, de Spíritu Sancto est, allelúja.

[Lectio Prima]
!Gen 49:22
v. Fílius accréscens Joseph, fílius accréscens, et decorus aspectu: fíliæ discurrérunt super murum.

[Responsory Tertia]
R.br. Constítuit eum Dóminum domus suæ, * Allelúja, allelúja.
R. Constítuit eum Dóminum domus suæ, * Allelúja, allelúja.
V. Et príncipem omnis possessiónis suæ.
R. Allelúja, allelúja.
&Gloria
R. Constítuit eum Dóminum domus suæ, * Allelúja, allelúja.
_
V. Confitébor nómini tuo, allelúja.
R. Quóniam adjútor et protéctor factus es mihi, allelúja.

[Capitulum Sexta]
!Gen 49:25
v. Deus patris tui erit adjútor tuus, et Omnípotens benedícet tibi benedictiónibus cæli désuper.
$Deo gratias

[Responsory Sexta]
R.br. Confitébor nómini tuo, * Allelúja, allelúja.
R. Confitébor nómini tuo, * Allelúja, allelúja.
V. Quóniam adjútor et protéctor factus es mihi.
R. Allelúja, allelúja.
&Gloria
R. Confitébor nómini tuo, * Allelúja, allelúja.
_
V. Justus germinábit sicut lílium, allelúja.
R. Et florébit in ætérnum ante Dóminum, allelúja.

[Capitulum Nona]
@:Lectio Prima
$Deo gratias

[Responsory Nona]
R.br. Justus germinábit sicut lílium, * Allelúja, allelúja.
R. Justus germinábit sicut lílium, * Allelúja, allelúja.
V. Et florébit in ætérnum ante Dóminum.
R. Allelúja, allelúja.
&Gloria
R. Justus germinábit sicut lílium, * Allelúja, allelúja.
_
V. Plantátus in domo Dómini, allelúja.
R. In átriis domus Dei nostri, allelúja.

[Versum 3]
V. Sub umbra illíus, quem desideraveram, sedi, allelúja.
R. Et fructus ejus dulcis gutturi meo, allelúja.

[Ant 3]
Fili, quid fecísti * nobis sic? Ecce pater tuus et ego doléntes quærebámus te, allelúja.