[Officium]
S. Petri Martyris

[Rank]
;;Duplex;;3;;vide C2a-1
(sed rubrica 1617)
;;Semiduplex;;2.2;;vide C2a-1

[Rank] (rubrica cisterciensis)
S. Petri, Martyris;;iij. Lect. et M.;;1.2;;vide C2

[Rule]
vide C2a-1;
9 lectiones

[Oratio]
Præsta, quǽsumus, omnípotens Deus: ut beáti Petri Mártyris tui fidem cóngrua devotióne sectémur; qui, pro ejúsdem fídei dilatatióne, martýrii palmam méruit obtinére.
$Per Dominum

[Lectio4]
Petrus, Veronæ paréntibus Manichæórum hæresi infectis natus, ab ipsa pæne infántia contra hæreses pugnávit. Puer annórum septem, cum scholas frequentaret, aliquándo a patruo hæretico interrogátus quid tandem in iis didicísset, christianæ fidei symbolum se didicisse respóndit; neque ullis umquam patris patruíve blanditiis aut minis a fidei constanti dimoveri pótuit. Adoléscens Bonóniam studiórum causa venit; ubi, a Spíritu Sancto ad sublimioris vitæ formam vocatus, ordinis Prædicatórum institutum suscépit.

[Lectio5]
Magno virtútum splendore in religióne eluxit: corpus et ánimum ab omni impuritate ita custodívit, ut nullius mortíferi peccáti labe se inquinátum umquam sénserit. Carnem jejuniis et vigiliis macerábat; mentem divinis contemplatiónibus exercebat. In salúte animárum procuranda assidue versabátur; peculiáris gratiæ dono hæreticos ácriter confutábat. Tantam in concionando vim hábuit, ut innumerábilis hóminum multitúdo ad eum audiéndum conflúeret, multique ad pœniténtiam converteréntur.

[Lectio6]
Tanto fidei ardore incénsus erat, ut pro ea mortem subire optaret, eamque a Deo grátiam enixe precarétur. Itaque hæretici necem, quam is paulo ante concionando prædixerat, illi intulérunt. Nam cum sanctæ Inquisitiónis munus géreret, illum Como Mediolanum redeuntem ímpius sicarius semel atque íterum in cápite gládio vulnerávit; jamque pene mórtuus, symbolórum fidei, quam infans virili fortitúdine conféssus fuerat, in ipso supremo spíritu pronuntiávit; iterúmque látera mucrone transverberatus, ad martyrii palmam migrávit in cælum, anno salútis millesimo ducentésimo quinquagesimo secundo. Quem multis, illustrem miraculis Innocentius quartus anno sequénti sanctórum Mártyrum número adscripsit.

[Lectio94]
Petrus, Verónæ paréntibus Manichæórum hǽresi inféctis natus, ab ipsa pene infántia contra hǽreses pugnávit, nullis umquam patris patruíve blandítiis a fídei constánti dimótus. Adoléscens Bonóniam studiórum causa venit, ibíque órdinis Prædicatórum institútum suscépit; in quo et magno virtútum splendóre, præcípue córporis animǽque puritáte nullo umquam letháli peccáto fœdáta, et miro pœniténtiæ et contemplatiónis stúdio excélluit. In salútem animárum procurándam máximo cum fructu incúbuit, tanto fídei ardóre incénsus, ut pro ea mortem subeúndi grátiam a Deo precarétur; quam et obtínuit. Nam cum sanctæ Inquisitiónis munus gerens Como Mediolánum redíret, ab ímpio sicário in cápite gládio est vulnerátus; jamque pene mórtuus, sýmbolum fídei, quam ab infántia viríli fortitúdine defénderat, in ipso suprémo spíritu pronúntians, ad palmam martýrii evolávit, anno salútis millésimo ducentésimo quinquagésimo secúndo. Quem Innocéntius quartus anno sequénti, sanctórum Mártyrum número adscrípsit.
&teDeum

[Versum 0]
@Commune/C2a::s/N\./Petre/