[Officium]
S. Francisci de Paula Confessoris

[Rank]
;;Duplex;;3;;vide C5-1
(sed rubrica 1930 aut rubrica cisterciensis)
;;Simplex;;1.1;;vide C5-1

[Rule]
vide C5-1;
9 lectiones

[Oratio]
Deus, humílium celsitúdo, qui beátum Francíscum Confessórem Sanctórum tuórum glória sublimásti: tríbue, quǽsumus; ut, ejus méritis et imitatióne, promíssa humílibus prǽmia felíciter consequámur.
$Per Dominum.

[Lectio4]
Francíscus Paulæ, quod est Calábriæ óppidum, loco húmili natus est; quem paréntes, cum diu prole caruíssent, voto facto, beáti Francísci précibus suscepérunt. Is adoléscens divíno ardóre succénsus in erémum secéssit, ubi annis sex, victu ásperam, sed meditatiónibus cæléstibus suávem vitam duxit. Sed cum virtútum ejus fama lóngius manáret, multíque ad eum pietátis stúdio concúrrerent, fratérnæ caritátis causa e solitúdine egréssus, ecclésiam prope Paulam ædificávit, ibique prima sui órdinis fundaménta jecit.

[Lectio5]
Erat in eo mirífica loquéndi grátia: perpétuam virginitátem servávit: humilitátem sic cóluit, ut se ómnium mínimum díceret, suósque alúmnos Mínimos appellári volúerit. Rudi amíctu, nudis pédibus incédens, humi cubábat. Cibi abstinéntia fuit admirábili: semel in die post solis occásum reficiebátur, et ad panem, et aquæ potum, vix áliquid ejusmodi obsónii adhibébat, quo vesci in Quadragésima licet: quam consuetúdinem, ut fratres sui toto anni témpore retinérent, quarto eos voto adstrínxit.

[Lectio6]
Multis miráculis servi sui sanctitátem Deus testári vóluit, quorum illud in primis célebre, quod a nautis rejéctus, Sicíliæ fretum strato super flúctibus pállio cum sócio transmísit. Multa étiam futúra prophético spíritu prædíxit. A Ludovíco undécimo Francórum rege expetítus, magnóque in honóre est hábitus. Dénique annum primum et nonagésimum agens, Turónis migrávit ad Dominum, anno salutis millésimo quingentésimo séptimo: cujus corpus dies úndecim insepúltum, ita incorrúptum permánsit, ut suávem étiam odórem effláret. Eum Leo Papa décimus in Sanctórum númerum rétulit.

[Lectio94]
Francíscus Paulæ in Calábria natus est. Aduléscens, divíno ardóre succénsus, in erémum secéssit, ubi annis sex victu ásperam sed meditatiónibus cæléstibus suávem vitam duxit. Cum autem virtútum ejus fama longe manáret, multíque ad eum pietátis stúdio concúrrerent, caritátis causa e solitúdine egréssus, ecclésiam prope Paulam ædificávit, ibíque prima sui órdinis fundaménta jecit. Perpétuam virginitátem servávit: humilitátem sic cóluit, ut se ómnium mínimum díceret, suósque alúmnos Mínimos appellári volúerit. Rudi amíctu, nudis pédibus incédens, humi cubábat. Caritáti ita addíctus fuit, ut sui Ordinis tésseram esse jússerit. Multis miráculis servi sui sanctitátem Deus comprobávit, quorum illud in primis célebre, quod a nautis rejéctus, Sicíliæ fretum, strato super flúctibus pállio, cum sócio transmísit. Multa étiam prophético spíritu prædíxit. Turónis migrávit ad Dóminum, anno salútis millésimo quingentésimo séptimo, ætátis anno nonagésimo primo.
&teDeum

[Lectio7]
@Commune/C5:Lectio7 in 2 loco

[Lectio8]
@Commune/C5:Lectio8 in 2 loco

[Lectio9]
@Commune/C5:Lectio9 in 2 loco