[Officium]
S. Gabrielis Archangeli

[Rank]
;;Duplex majus;;4;;ex Sancti/05-08
(sed rubrica 196)
;;Duplex;;3;;ex Sancti/05-08
(sed rubrica innovata)
;;Duplex;;3.91;;ex Sancti/05-08

[Rule]
ex Sancti/05-08
9 lectiones
Psalmi Dominica
Antiphonas horas
Psalm5 Vespera=137
Psalm5 Vespera3=116

[Ant Vespera]
Ingrésso Zacharía * templum Dómini, appáruit ei Gábriel Angelus, stans a dextris altáris incénsi.
Ait autem Angelus: * Ne tímeas, Zacharía, quiam exaudíta est deprecátio tua.
Ego sum Gábriel * Angelus, qui asto ante Deum, et missus sum loqui ad te.
Gábriel Angelus * locútus est Maríæ, dicens: Ecce concípies in útero, et páries fílium, et vocábis nomen ejus Jesum.
Dixit autem María * Angelum: Quómodo fiet istud, quóniam virum non cognósco? Et respóndens Gábriel Angelus, dixit ei: Spíritus Sanctus supervéniet in te et virtus altíssimi obumbrávit tibi.

[Ant Vespera] (rubrica cisterciensis)
Ingrésso Zacharía * templum Dómini, appáruit ei Gábriel Angelus, stans a dextris altáris incénsi.
Ait autem Angelus: * Ne tímeas, Zacharía, quiam exaudíta est deprecátio tua.
Gábriel Angelus * locútus est Maríæ, dicens: Ecce concípies in útero, et páries fílium, et vocábis nomen ejus Jesum.
Gabriel Angelus * descéndit ad Zacharíam, et ait illi: Uxor tua páriet tibi fílium, et  vocábis nomen ejus Joánnes, et multi in Nativitáte ejus gaudébunt. Ipse enim præíbit ante fáciem Dómini paráre vias ejus.
Dixit autem María * Angelum: Quómodo fiet istud, quóniam virum non cognósco? Et respóndens Gábriel Angelus, dixit ei: Spíritus Sanctus supervéniet in te et virtus altíssimi obumbrávit tibi.

[Responsory Vespera] (rubrica cisterciensis)
R.br. Gloriósus apparuísti * In conspéctu Dómini.
R. Gloriósus apparuísti * In conspéctu Dómini.
V. Proptérea decórem índuit te Dóminus.
R. In conspéctu Dómini.

[Hymnus Vespera]
{:HChristesanctorum:}v. Christe, sanctórum decus Angelórum, 
Gentis humánæ Sator et Redémptor,
Cǽlitum nobis tríbuas beátas
Scándere sedes.
_
Angelus fortis Gábriel, ut hostes
Pellat antíquos, et amíca cælo,
Quæ triumphátor státuit per orbem,
Templa revísat.
_
Virgo dux pacis, Genitríxque lucis,
Et sacer nobis chorus Angelórum
Semper assístat, simul et micántis
Régia cæli.
_
Præstet hoc nobis Déitas beáta
Patris, ac Nati, paritérque Sancti
Spíritus, cujus résonat per omnem
Glória mundum.
Amen.

[Hymnus Vespera] (rubrica cisterciensis)
@Sancti/05-08:Hymnus Laudes

[Versum 1] (rubrica cisterciensis)
V. In conspéctu Angelórum psallam tibi, Deus meus.
R. Adorábo ad templum sanctum tuum, et confitébor nómini tuo.

[Ant 1]
Angelus Gábriel * appáruit Daniéli et dixit illi: Ab exórdio precum tuárum egréssus est sermo; ego autem veni ut indicárem tibi; tu ergo animadvérte sermónem et intéllige visiónem.

[Ant 1] (rubrica cisterciensis)
Adhuc * me loquénte in oratióne, ecce vir Gábriël, quem víderam in visióne a princípio, cito volans tétigit me in témpore sacrifícii vespertíni. 

[Oratio]
Deus, qui inter céteros Angelos, ad annuntiándum Incarnatiónis tuæ mystérium, Gabriélem Archángelum elegísti: concéde propítius; ut qui festum ejus celebrámus in terris, ipsíus patrocínium sentiámus in cælis:
$Qui vivis

[Oratio] (rubrica cisterciensis)
Deus, qui per Archángelum Gabriëlem Salvatórem mundi Sacratíssimæ Vírgini concipiéndum nuntiásti: da, ut eúndem et mente pura concipiámus, et férvido imitémur afféctu.
$Qui tecum

[Invit]
Regem Archangelórum Dóminum * Veníte, adorémus.

[Hymnus Matutinum]
@Sancti/03-24:Hymnus Vespera

[Ant Matutinum]
Dixit Angelus Gábriel * ad Daniélem: Intéllige, fílii hóminis, quóniam in témpore finis implébitur vísio.;;8
Ecce vir Gábriel * quem víderam in visióne cito volans tétigit me in témpore sacrifícii vespertíni et dócuit me.;;10
Cumque Gábriel * loquerétur ad me collápsus sum pronus in terram et tétigit me, et státuit me in gradu meo.;;14
V. Stetit Angelus juxta aram templi.
R. Habens thuríbulum áureum in manu sua.
Gábriel Angelus * appáruit Zacharíæ, dicens: Uxor tua Elísabeth páriet tibi fílium, et vocábitur nomen ejus Joánnem.;;18
Et dixit Zacharías * ad Angelum: Unde hoc sciam? ego enim sum senex, et uxor mea procéssit in diébus suis.;;23
Respóndens autem Angelus * dixit ei: Ego sum Gábriel, qui asto ante Deum: et missus sum loqui ad te, et hæc tibi evangelizáre.;;33
V. Ascéndit fumus arómatum in conspéctu Dómini.
R. De manu Angeli.
Missus est * Gábriel Angelus ad Maríam Vírginem desponsátam Joseph.;;95
Gábriel Angelus * Maríæ dixit: Ecce Elísabeth cognáta tua, et ipsa concépit fílium in senectúte sua.;;96
Súscipe Verbum * Virgo María, quod tibi a Dómino per Angelum Gabriélem transmíssum est.;;102
V. In conspéctu Angelórum psallam tibi, Deus meus.
R. Adorábo ad templum sanctum tuum, et confitébor nómini tuo.

[Lectio1]
De Daniéle Prophéta
!Dan 9:20-23
20 Ego Dániel, cum adhuc lóquerer, et orárem, et confitérer peccáta mea, et peccáta pópuli mei Israël, et prostérnerem preces meas in conspéctu Dei mei, pro monte sancto Dei mei:
21 Adhuc me loquénte in oratióne, ecce vir Gábriel, quem víderam in visióne a princípio, cito volans tétigit me in témpore sacrifícii vespertíni,
22 et dócuit me, et locútus est mihi, dixítque: Dániel, nunc egréssus sum ut docérem te, et intellígeres:
23 ab exórdio precum tuárum egréssus est sermo; ego autem veni ut indicárem tibi, quia vir desideriórum es; tu ergo animadvérte sermónem, et intéllige visiónem.

[Responsory1]
R. Cum oráret Dániel et confiterétur peccáta sua, et peccáta pópuli sui
* Ecce Archángelus Gábriel cito volans tétigit eum in témpore sacrifícii vespertíni
V. Cumque prostérneret preces suas in conspéctu Dei sui
R. Ecce Archángelus Gábriel cito volans tétigit eum in témpore sacrifícii vespertíni

[Lectio2]
!Dan 9:24-25
24 Septuagínta hebdómades abbreviátæ sunt super pópulum tuum et super urbem sanctam tuam, ut consummétur prævaricátio, et finem accípiat peccátum, et deleátur iníquitas, et adducátur justítia sempitérna, et impleátur vísio et prophetía, et ungátur Sanctus sanctórum.
25 Scito ergo, et animadvérte: Ab éxitu sermónis, ut íterum ædificétur Jerúsalem, usque ad Christum ducem, hebdómades septem et hebdómades sexagínta duæ erunt: et rursum ædificábitur platéa, et muri in angústia témporum.

[Responsory2]
R. Locútus est Gábriel Daniéli et dixit: Ab exórdio precum tuárum egréssus est sermo
* Ego autem veni ut indicárem tibi, quia vir desideriórum es
V. Tu autem animadvérte sermónem, et intéllige visiónem
R. Ego autem veni ut indicárem tibi, quia vir desideriórum es

[Lectio3]
!Dan 9:26-27
26 Et post hebdómades sexagínta duas occidétur Christus, et non erit ejus pópulus qui eum negatúrus est; et civitátem et sanctuárium dissipábit pópulus cum duce ventúro: et finis ejus vástitas, et post finem belli statúta desolátio.
27 Confirmábit autem pactum multis hebdómada una: et in dimídio hebdómadis defíciet hóstia et sacrifícium, et erit in templo abominátio desolatiónis: et usque ad consummatiónem et finem perseverábit desolátio.

[Responsory3]
R. Ecce vir Gábriel quem víderam in visióne a princípio cito volans tétigit me in témpore sacrifícii vespertíni et dócuit me et locútus est mihi dixítque
* Dániel nunc egréssus sum ut docérem te et intellígeres
V. Gábriel fac me intellígere istam visiónem: et venit et stetit juxta ubi ego stabam, et ait ad me:
R. Dániel nunc egréssus sum ut docérem te et intellígeres
&Gloria
R. Dániel nunc egréssus sum ut docérem te et intellígeres

[Lectio4]
Sermo sancti Bedæ venerábilis Presbýteri
!Expositio in Luc. 1, 11-20.
Appáruit Zacharíæ Angelus, stans a dextris altáris incénsi. Bene Angelus et in templo, et juxta altáre, et dextris appáret; quia vidélicet et veri sacerdótis advéntum, et mystérium sacrifícii universális, et cæléstis doni gáudium prǽdicat. Nam, sicut per sinístram præséntia, sic per déxteram sæpe bona prænuntiántur ætérna. Juxta quod in sapiéntiæ laude cánitur: Longitúdo diérum in déxtera ejus; in sinístra illíus divítiæ et glória. Treméntem Zacharíam confórtet Angelus, quia, sicut humánæ fragilitátis est spiritális creatúræ visióne turbári, ita et angélicas benignitátis est pavéntes de aspéctu suo mortáles mox blandiéndo solári. At contra dæmónicæ est ferocitátis, quos sui præséntia térritos sénserit, amplióri semper horróre concútere, qua nulla mélius ratióne quam fide superátur intrépida.

[Responsory4]
R. Factum est, cum sacerdótio fungerétur Zacharías in órdine vicis sufflánte Deum,
* Appáruit ei Angelus Gábriel, stans a dextris altáris incénsi.
V. Cumque, ingréssus in templum Dómini, incénsum póneret secúndum consuetúdinem sacerdótii sui.
R. Appáruit ei Angelus Gábriel, stans a dextris altáris incénsi.

[Lectio5]
Angelus, deprecatiónem dicens exaudítam, partum contínuo promíttit uxóris. Non quod ille, qui pro pópulo oblatúrus intráverat, relíctis públicis votis, pro accipiéndis fíliis oráre potúerit, præsértim quia nemo orat quod se acceptúrum despérat. Adeo autem ille, jam suæ ætátis et infœcúndæ cónjugis memor, nasci sibi fílios desperábat, ut nec Angelo hoc promitténti créderet. Sed quod dicit: Exaudíta est deprecátio tua, pro pópuli redemptióne signíficat; Et uxor tua páriet tibi fílium, ejúsdem redemptiónis órdinem pandit, quod vidélicet natus Zacharíæ fílius Redemptóri illíus pópuli præconándo sit iter factúrus. Quia enim Zacharíam, pro plebe supplicántem, díxerat exaudítum, docet quo órdine plebs eádem salvári et pérfici débeat, ad prædicatiónem vidélicet Joánnis pæniténdo et credéndo in Christum.

[Responsory5]
R. Descéndit Gábriel Angelus ad Zacharíam dicens
* Ne tímeas quóniam exaudíta est deprecátio tua, et uxor tua Elísabeth paret tibi fílium, et vocábis nomen ejus Joánnem
V. Et Zacharías turbátus est videns, et timor írruit super eum: ait autem ad illum Angelus
R. Ne tímeas quóniam exaudíta est deprecátio tua, et uxor tua Elísabeth paret tibi fílium, et vocábis nomen ejus Joánnem.

[Lectio6]
Zacharías ob altitúdinem promissórum hǽsitans, signum quo crédere váleat, inquírit cui sola Angeli vísio vel allocútio pro signo suffícere debúerat. Unde méritam diffidéntiæ tacéndo pœnam luit, cui tacitúrnitas eádem et signum fídei quod quæsívit, et infidelitátis esset pœna quem méruit. Vult intélligi quod si homo tália promítteret, impúne signum flagitáre licéret, at cum ángelus promíttat, jam dubitári non déceat. Datque signum quod rogátur, ut qui discredéndo locútus est, jam tacéndo crédere discat. Ubi notándo quod Angelus se et ante Deum adstáre, et ad evangelizándum Zacharíæ missum esse testátur; quia et cum ad nos véniunt Angeli, sic extérius implent ministérium, ut tamen nunquam desint intérius per contemplatiónem. Et mittúntur ígitur et assístunt, quia, et si circumscríptus est angélicus spíritus, summus tamen spíritus ipse qui Deus est, circumscríptus non est. Angeli ítaque et missi ante ipsum sunt, quia, quólibet missi véniunt, intra ipsum currunt. -- Festum sancti Gabriélis Archángeli Benedíctus Papa décimus quintus ad univérsam ecclésiam exténdit.

[Responsory6]
R. Ego sum Gábriel Angelus, qui asto ante Dóminum.' et missus sum loqui te, et hæc evangelizáre
* Ecce eris tacens, et non póteris loqui usque in diem quo hæc fiant
V. Pro eo quod non credidísti verbis meis, quæ implebúntur témpore suo
R. Ecce eris tacens, et non póteris loqui usque in diem quo hæc fiant
&Gloria
R. Ecce eris tacens, et non póteris loqui usque in diem quo hæc fiant.

[Lectio94](rubrica innovata)
@:Lectio4

[Lectio7]
Léctio sancti Evangélii secúndum Lucam
!Luc 1:26-38
In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph de domo David, et nomen Vírginis María. Et réliqua.
_
Homilía Sancti Bernárdi Abbátis
!Homilia 1 supra Missus est n. 2
Non árbitror hunc ángelum de minóribus esse, qui quálibet ex causa crebra sóleant ad terras fungi legatióne. Quod ex ejus nómine palam intélligi dícitur, quod interpretátio Fortitúdo Dei dícitur; et quia non ab álio áliquo forte excellentióre se (ut ássolet) spíritu, sed ab ipso Deo mitti perhibétur. Propter hoc ergo pósitum est, A Deo. Vel ídeo dictum est, A Deo, ne cui, vel beatórum spirítuum suum Deus, ántequam Vírgini, revelásse putétur consílium, excépto dumtáxat Archángelo Gabriéle; qui útique tantæ inter suos inveníri potúerit excelléntiæ, ut tali et nómine dignus haberétur et núntio.

[Responsory7]
R. Missus est Gábriel Angelus ad Maríam Vírginem desponsátam Joseph, núntians ei verbum: et expavéscit Virgo de lúmine.
* Ne tímeas, María, invenísti enim grátiam apud Dóminum: ecce concípies, et páries, et vocábitur Altíssimi Fílius
V. Quæ cum audísset turbáta est in sermóne ejus, et cogitábat qualis esset ista salutátio; et ait Angelus ei.
R. Ne tímeas, María, invenísti enim grátiam apud Dóminum: ecce concípies, et páries, et vocábitur Altíssimi Fílius.

[Lectio8]
Nec discórdat nomen a núntio. Dei quippe virtútem Christum quem mélius nuntiáre decébat quam hunc, quem símile nomen honórat? Nam quid est áliud fortitúdo, quam virtus? Non autem dedécens aut incóngruum videátur, Dóminum et núntium commúni censéri vocábulo; cum símilis in utróque appellatiónis, non sit tamen utriúsque símilis causa. Aliter quippe Christus fortitúdo vel virtus Dei dícitur, áliter Angelus; Angelus enim tantum nuncupatíve, Christus autem étiam substantíve.

[Responsory8]
R. Gaude, María Virgo cunctas hǽreses sola interemísti:
* Quæ Gabriéli Archángeli dictis credidísti, dum Virgo Deum a hóminem genuísti, et post partum, Virgo, invioláta permansísti.
V. Benedícta tu in muliéribus, et benedíctus fructus ventris tui.
R. Quæ Gabriéli Archángeli dictis credidísti, dum Virgo Deum a hóminem genuísti, et post partum, Virgo, invioláta permansísti.
&Gloria
R. Quæ Gabriéli Archángeli dictis credidísti, dum Virgo Deum a hóminem genuísti, et post partum, Virgo, invioláta permansísti.

[Lectio9]
Christus Dei virtus et dícitur et est, qui forti armáto, qui suum átrium in pace custodíre solébat, fórtior supervéniens, ipsum suo bráchio debellávit: et sic ei vasa captivitátis poténter erípuit. Angelus vero fortitúdo Dei appellátus est, vel quod hujúsmodi merúerit, prærogatívam offícii, quo ejúsdem nuntiáret advéntum virtútis: vel quia vírginem natúra pávidam, símplicem, verecúndam, de miráculi novitáte ne expavésceret, confortáre debéret; quod et fecit, Ne tímeas, ínquiens, María, invenísti enim grátiam apud Deum. Conveniénter ítaque Gábriel ad hoc opus elígitur, immo quia tale illi negótium injúngitur, recte tali nómine designátur.
&teDeum

[Ant Laudes]
Ingrésso Zacharía * templum Dómini, appáruit ei Gábriel Angelus, stans a dextris altáris incénsi.
Ait autem Angelus: * Ne tímeas, Zacharía, quóniam exaudíta est deprecátio tua.
Ego sum Gábriel * Angelus, qui asto ante Dóminum, et missus sum loqui te.
Gábriel Angelus * locútus est Maríæ, dicens: Ecce concípies in útero, et páries fílium, et vocábis nomen ejus Jesum.
Dixit autem María * Angelum: Quómodo fiet istud, quóniam virum non cognósco? Et respóndens Gábriel Angelus, dixit ei: Spíritus Sanctus supervéniet in te et virtus altíssimi obumbrábit tibi.

[Ant Laudes] (rubrica cisterciensis)
@:Ant Vespera

[Capitulum Laudes]
!Dan 9:21-22
v. Ecce vir Gábriel, quem víderam in visióne a princípio, cito volans tétigit me in témpore sacrifícii vespertíni. Et dócuit me, et locútus est mihi, dixítque: Dániel, nunc egréssus sum ut docérem te, et intellégeres.
$Deo gratias

[Responsory Laudes] (rubrica cisterciensis)
@Sancti/05-08:Responsory Tertia

[Hymnus Laudes]
{:HPlacarechriste:}v. Placáre, Christe, sérvulis,
Quibus Patris cleméntiam
Tuæ ad tribúnal grátiæ
Patróna Virgo póstulat.
_
Nobis adésto, Archángele,
Robor Dei qui dénotas:
Vires adáuge lánguidis,
Confer levámen trístibus.
_
Et vos, beáta per novem
Distíncta gyros ágmina,
Antíqua cum præséntibus,
Futúra damna péllite.
_
Auférte gentem pérfidam
Credéntium de fínibus,
Ut unus omnes únicum
Ovíle nos pastor regat.
_
Deo Patri sit glória,
Qui, quos redémit Fílius,
Et Sanctus unxit Spíritus,
Per Angelos custódiat.
Amen.

[Versum 2] (rubrica cisterciensis)
@:Versum 1

[Versum 3] (rubrica cisterciensis)
@:Versum 1

[Ant 2]
Gábriel Angelus * descéndit ad Zacharíam, et ait illi: Uxor tua páriet tibi fílium, et vocábis nomen ejus Joánnem, et multi in nativitáte ejus gaudébunt: ipse enim præíbit ante fáciem Dómini paráre vias ejus.

[Ant 2] (rubrica cisterciensis)
Ego sum Gábriel * Angelus, qui asto ante Deum, et missus sum loqui ad te et hæc tibi evangelizáre.

[Lectio Prima]
!Dan 9:25
v. Scito ergo et animadvérte: Ab éxitu sermónis, ut íterum ædificétur Jerúsalem, usque ad Christum ducem, hebdómades septem et hebdómades sexagínta duæ erunt.

[Responsory Tertia]
@Sancti/05-08

[Capitulum Sexta]
!Dan 9:23-24
v. Ego autem veni, ut indicárem tibi, quia vir desideriórum es. Septuagínta hebdómades abbreviátæ sunt, ut finem accípiat peccátum, et impleátur vísio et prophetía, et ungátur Sanctus sanctórum.
$Deo gratias

[Responsory Sexta]
@Sancti/05-08

[Capitulum Nona]
@:Lectio Prima
$Deo gratias

[Responsory Nona]
@Sancti/05-08

[Ant 3]
Archángelus Gábriel * ait ad Maríam: Non erit impossíbile apud Deum omne verbum. Dixit autem María: Ecce ancílla Dómini, fiat mihi secúndum verbum tuum. Et discéssit ab ea Angelus.

[Responsory TertiaM] (rubrica cisterciensis)
V. Stetit Angelus juxta aram templi.
R. Habens thuríbulum áureum in manu sua.

[Responsory SextaM] (rubrica cisterciensis)
V. Ascéndit fumus arómatum in conspéctu Dómini. 
R. De manu Angeli.

[Responsory NonaM] (rubrica cisterciensis)
V. In conspéctu Angelórum psallam tibi Deus meus.
R. Adorábo ad templum sanctum tuum et confitébor nómini tuo.