[Officium]
In Cathedra S. Petri Apostoli Antiochiæ
(sed rubrica 196 aut rubrica 1930 aut rubrica cisterciensis)
In Cathedra S. Petri Apostoli

[Rank]
;;Duplex majus;;4;;ex C4
(sed rubrica 196)
;;Duplex II classis;;5;;ex C4

[Rule]
ex C4;
Psalmi Dominica
Antiphonas horas
9 lectiones
Commemoratio3
Sub unica concl
Psalm5 Vespera=116
Psalm5 Vespera3=131

[Hymnus Vespera]
v. Quodcúmque in orbe néxibus revínxeris,
Erit revínctum, Petre, in arce síderum:
Et quod resólvit hic potéstas trádita,
Erit solútum cæli in alto vértice;
In fine mundi judicábis sǽculum.
_
Patri perénne sit per ævum glória,
Tibíque laudes concinámus ínclitas,
Ætérne Nate; sit, supérne Spíritus,
Honor tibi decúsque: sancta júgiter
Laudétur omne Trínitas per sǽculum.
Amen.

[HymnusM Vespera]
v. Quodcúmque vinclis super terram strínxeris,
Erit in astris religátum fórtiter:
Et quod resólvis in terris arbítrio,
Erit solútum super cæli rádium:
In fine mundi judex eris sǽculi.
_
Glória Patri per imménsa sǽcula,
Sit tibi Nate decus et impérium,
Honor, potéstas, Sanctóque Spirítui:
Sit Trinitáti salus indivídua,
Per infiníta sæculórum sǽcula.
Amen.

[Versum 1]
V. Tu es Petrus.
R. Et super hanc petram ædificábo Ecclésiam meam.

[Ant 1]
Tu es pastor óvium, * Princeps Apostolórum, tibi tráditæ sunt claves regni cælórum.

[Oratio]
Deus, qui beáto Petro Apóstolo tuo, collátis clávibus regni cæléstis, ligándi atque solvéndi pontifícium tradidísti: concéde; ut, intercessiónis ejus auxílio, a peccatórum nostrórum néxibus liberémur:
$Qui vivis
_
@Sancti/02-22:Commemoratio4

[Invit]
Tu es pastor óvium, Princeps Apostolórum: * Tibi trádidit Deus claves regni cælórum.

[Hymnus Matutinum]
@Sancti/02-22:Hymnus Vespera

[HymnusM Matutinum]
@Sancti/02-22:HymnusM Vespera

[Lectio1]
Incipit Epístola prima beáti Petri Apóstoli
!1 Pet 1:1-5
1 Petrus Apóstolus Jesu Christi, eléctis ádvenis dispersiónis Ponti, Galátiæ, Cappadóciæ, Asiæ, et Bithýniæ,
2 secúndum præsciéntiam Dei Patris, in sanctificatiónem Spíritus, in obediéntiam, et aspersiónem sánguinis Jesu Christi: Grátia vobis, et pax multiplicétur.
3 Benedíctus Deus et Pater Dómini nostri Jesu Christi, qui secúndum misericórdiam suam magnam regenerávit nos in spem vivam, per resurrectiónem Jesu Christi ex mórtuis,
4 in hereditátem incorruptíbilem, et incontaminátam, et immarcescíbilem, conservátam in cælis in vobis,
5 qui in virtúte Dei custodímini per fidem in salútem, parátam revelári in témpore novíssimo.

[Responsory1]
R. Simon Petre, ántequam de navi vocárem te, novi te et super plebem meam príncipem te constítui:
* Et claves regni cælórum trádidi tibi.
V. Quodcúmque ligáveris super terram erit ligátum et in cælis; et quodcúmque sólveris super terram, erit solútum et in cælis.
R. Et claves regni cælórum trádidi tibi.

[Lectio2]
!1 Pet 1:6-9
6 In quo exsultábitis, módicum nunc si opórtet contristári in váriis tentatiónibus:
7 ut probátio vestræ fídei multo pretiósior auro (quod per ignem probátur) inveniátur in laudem, et glóriam, et honórem, in revelatióne Jesu Christi:
8 quem cum non vidéritis, dilígitis: in quem nunc quoque non vidéntes créditis: credéntes autem exsultábitis lætítia inenarrábili, et glorificáta:
9 reportántes finem fídei vestræ, salútem animárum.

[Responsory2]
R. Si díligis me, Simon Petre, pasce oves meas. Dómine, tu nosti quia amo te,
* Et ánimam meam pono pro te.
V. Si oportúerit me mori tecum, non te negábo.
R. Et ánimam meam pono pro te.

[Lectio3]
!1 Pet 1:10-12
10 De qua salúte exquisiérunt atque scrutáti sunt prophétæ, qui de futúra in vobis grátia prophetavérunt;
11 scrutántes in quod vel quale tempus significáret in eis Spíritus Christi: prænúntians eas quæ in Christo sunt passiónes et posterióres glórias:
12 quibus revelátum est, quia non sibimetípsis, vobis autem ministrábant ea, quæ nunc nuntiáta sunt vobis per eos, qui evangelizavérunt vobis, Spíritu Sancto misso de cælo, in quem desíderant Angeli prospícere.

[Responsory3]
R. Tu es Petrus, et super hanc petram ædificábo Ecclésiam meam, et portæ ínferi non prævalébunt advérsus eam:
* Et tibi dabo claves regni cælórum.
V. Quodcúmque ligáveris super terram, erit ligátum et in cælis; et quodcúmque sólveris super terram, erit solútum et in cælis.
R. Et tibi dabo claves regni cælórum.
&Gloria
R. Et tibi dabo claves regni cælórum.

[Lectio4]
Sermo sancti Augustíni Epíscopi
!Sermo 15 de Sanctis
Institútio solemnitátis hodiérnæ a senióribus nostris Cáthedræ nomen accépit, ídeo quod primus Apostolórum Petrus hódie episcopátus cáthedram suscepísse referátur. Recte ergo ecclésiæ natálem sedis illíus colunt, quam Apóstolus pro ecclesiárum salúte suscépit, dicénte Dómino: Tu es Petrus, et super hanc petram ædificábo Ecclésiam meam.

[Responsory4]
R. Tu es pastor óvium, princeps Apostolórum: tibi trádidit Deus ómnia regna mundi:
* Et ídeo tibi tráditæ sunt claves regni cælórum.
V. Quodcúmque ligáveris super terram, erit ligátum et in cælis; et quodcúmque sólveris super terram, erit solútum et in cælis.
R. Et ídeo tibi tráditæ sunt claves regni cælórum.

[Lectio5]
Petrum ítaque fundaméntum Ecclésiæ Dóminus nominávit: et ídeo digne fundaméntum hoc Ecclésia colit, supra quod ecclesiástici ædifícii altitúdo consúrgit. Unde conveniénter psalmus, qui lectus est, dicit: Exáltent eum in ecclésia plebis, et in cáthedra seniórum laudent eum. Benedíctus Deus, qui beatum Petrum Apóstolum in Ecclésia exaltári præcépit: quia dignum est ut fundaméntum hoc in Ecclésia honorétur, per quod ad cælum conscénditur.

[Responsory5]
R. Ego pro te rogávi, Petre, ut non defíciat fides tua:
* Et tu aliquándo convérsus confírma fratres tuos.
V. Caro et sanguis non revelávit tibi, sed Pater meus, qui est in cælis.
R. Et tu aliquándo convérsus confírma fratres tuos.

[Lectio6]
Quod natális ergo Cáthedræ hódie cólitur, sacerdotále honorátur offícium. Sibi hoc Ecclésiæ ínvicem præstant, quia tanto necésse plus habet Ecclésia dignitatis, quanto sacerdotále offícium plus honóris. Cum solemnitátem hanc Ecclésiis mérito religiósa observátio introdúxerit, miror, cur apud quosdam infidéles hódie tam perniciósus error incréverit, ut super túmulos defunctórum cibos et vina conférant, quasi egréssæ de corpóribus ánimæ carnáles cibos requírant.

[Responsory6]
R. Petre, amas me? Tu scis, Dómine, quia amo te.
* Pasce oves meas.
V. Simon Joánnis, díligis me plus his? Tu scis, Dómine, quia amo te.
R. Pasce oves meas.
&Gloria
R. Pasce oves meas.

[Lectio7]
Léctio sancti Evangélii secúndum Matthǽum
!Matt 16:13-19
In illo témpore: Venit Jesus in partes Cæsaréæ Philíppi, et interrogábat discípulos suos, dicens: Quem dicunt hómines esse Fílium hóminis? Et réliqua.
_
Homilía sancti Leónis Papæ
!Sermo 3 in annivers. assumpt. suæ, post initium
Apóstolos Dóminus, quid de se hómines opinéntur, intérrogat: et tamdiu sermo respondéntium commúnis est, quámdiu humánæ intellegéntiæ ambigúitas explicátur. At ubi quid hábeat sensus discipulórum exígitur, primus est in Dómini confessióne, qui primus est in apostólica dignitáte. Qui cum dixísset: Tu es Christus Fílius Dei vivi: respóndit ei Jesus: Beátus es Simon Bar-Jona, quia caro et sanguis non revelávit tibi, sed Pater meus, qui in cælis est. Id est, Ideo beátus es, quia Pater meus te dócuit: nec terréna opínio te feféllit, sed inspirátio cæléstis instrúxit: et non caro et sanguis, sed ille me tibi, cujus sum unigénitus Fílius, indicávit.

[Responsory7]
R. Quem dicunt hómines esse Filium hóminis? dixit Jesus discípulis suis. Respóndens Petrus dixit: Tu es Christus Fílius Dei vivi.
* Et ego dico tibi, quia tu es Petrus, et super hanc petram ædificábo Ecclésiam meam.
V. Beátus es, Simon Bar-Jona, quia caro et sanguis non revelávit tibi, sed Pater meus qui est in cælis.
R. Et ego dico tibi, quia tu es Petrus, et super hanc petram ædificábo Ecclésiam meam.

[Lectio8]
Et ego, inquit, dico tibi: hoc est, sicut Pater meus tibi manifestávit divinitátem meam, ita et ego tibi notam fácio excelléntiam tuam, quia tu es Petrus: id est, cum ego sim inviolábilis petra, ego lapis anguláris, qui fácio útraque unum, ego fundaméntum præter quod nemo potest áliud pónere: tamen tu quoque petra es, quia mea virtúte solidáris, ut quæ mihi potestáte sunt própria, sint tibi mecum participatióne commúnia. Et super hanc petram ædificábo Ecclésiam meam, et portæ ínferi non prævalébunt advérsus eam. Super hanc, inquit, fortitúdinem ætérnum éxstruam templum: et Ecclésiæ meæ cælo inserénda sublímitas, in hujus fídei firmitáte consúrget.

[Responsory8]
R. Elégit te Dóminus sacerdótem sibi, ad sacrificándum ei
* Hóstiam laudis.
V. Immola Deo sacrifícium laudis, et redde Altíssimo vota tua.
R. Hóstiam laudis.
&Gloria
R. Hóstiam laudis.

[Lectio9]
Hanc confessiónem portæ ínferi non tenébunt, mortis víncula non ligábunt: vox enim ista vox vitæ est. Et sicut confessóres suos in cæléstia próvehit, ita negatóres ad inférna demérgit. Propter quod dicit beatíssimo Petro: Tibi dabo claves regni cælórum: Et quæcúmque ligáveris super terram, erunt ligáta et in cælis: et quæcúmque sólveris super terram, erunt solúta et in cælis. Transívit quidem étiam in álios Apóstolos vis potestátis istíus, et ad omnes Ecclésiæ príncipes decréti hujus constitútio commeávit: sed non frustra uni commendátur, quod ómnibus intimátur. Petro enim ídeo hoc singuláriter créditur, quia cunctis Ecclésiæ rectóribus Petri forma præpónitur. Manet ergo Petri privilégium, ubicúmque ex ipsíus fertur æquitáte judícium. Nec nímia est vel sevéritas vel remíssio, ubi nihil erit ligátum, nihil solútum, nisi quod beátus Petrus aut sólverit, aut ligáverit.
&teDeum

[Versum 0]
@:Versum 2

[Hymnus Laudes]
v. Beáte Pastor, Petre, clemens áccipe
Voces precántum, criminúmque víncula
Verbo resólve, cui potéstas trádita
Aperíre terris cælum, apértum cláudere.
_
Sit Trinitáti sempitérna glória,
Honor, potéstas atque jubilátio,
In unitáte, quæ gubérnat ómnia,
Per univérsa æternitátis sǽcula.
Amen.

[HymnusM Laudes]
v. Jam bone Pastor Petre, clemens áccipe
Vota precántum, et peccáti víncula
Resólve tibi potestáte trádita,
Qua cunctis cælum verbo claudis, áperis.
_
Sit Trinitáti sempitérna glória,
Honor, potéstas, atque jubilátio,
In unitáte, cui manet impérium,
Ex tunc et modo, per ætérna sǽcula.
Amen.

[Versum 2]
V. Exáltent eum in Ecclésia plebis.
R. Et in cáthedra seniórum laudent eum.

[Ant 2]
Quodcúmque * ligáveris super terram, erit ligátum et in cælis; et quodcúmque sólveris super terram, erit solútum et in cælis: dicit Dóminus Simóni Petro.

[Versum 3]
V. Elégit te Dóminus sacerdótem sibi.
R. Ad sacrificándum ei hóstiam laudis.

[Versum 3] (rubrica cisterciensis)
@:Versum 1

[Ant 3]
@Commune/C4:Ant 3 summi Pontificis

[Commemoratio4]
!Commemoratio S. Pauli Apostoli
(deinde dicuntur)
Ant. Sancte Paule Apóstole, prædicátor veritátis et doctor Géntium, intercéde pro nobis ad Deum, qui te elégit.
_
V. Tu es vas electiónis, sancte Paule Apóstole.
R. Prædicátor veritátis in univérso mundo.
_
$Oremus
(sed rubrica 196 hæc versus omittuntur)
v. Deus, qui multitúdinem géntium beáti Pauli Apóstoli prædicatióne docuísti: da nobis, quǽsumus; ut, cujus commemoratiónem cólimus, ejus apud te patrocínia sentiámus.
$Per Dominum