[Officium]
Ss. Fabiani et Sebastiani Martyrum

[Rank]
;;Duplex;;3;;vide C3
(sed rubrica innovata)
;;Duplex optional;;2;;vide C3

[Rank] (rubrica cisterciensis)
;;iij. Lect. et M.;;1.2;;vide C3
(sed rubrica altovadensis)
;;MM. min.;;3;;ex C3

[Rule]
vide C3;
9 lectiones
(sed rubrica altovadensis) 12 lectiones
(rubrica altovadensis) Psalmi Dominica

[Oratio]
@Commune/C2::s/beáti N\. Mártyris tui atque Pontíficis/beatórum Mártyrum tuórum Fabiáni et Sebastiáni/

[Lectio4]
Fabianus Romanus, a Maximino usque ad Decium regens Ecclésiam, septem diáconis regiónes divísit, qui páuperum curam haberent. Tótidem subdiaconos creávit, qui res gestas Mártyrum a septem notariis scriptas collígerent. Idem státuit, ut quotannis feria quinta in Cœna Dómini, vetere combusto, chrisma renovarétur. Dénique décimo tertio Kalendas Februarii in persecutióne Decii martyrio coronátus, in cœmeterio Callísti via Appia sepelítur, cum sedísset annos quíndecim, dies quatuor. Hic fecit ordinatiónes quinque mense Decembri, quibus creávit presbyteros viginti duos, diaconos septem, episcopos per diversa loca úndecim.

[Lectio5]
Sebastianus ex patre Narbonénsi, matre Mediolanénsi natus, ob generis nobilitátem et virtútem Diocletiáno carus fuit. Dux primæ cohortis, Christiános, quorum fidem clam colebat, ópera et facultátibus adjuvábat; et qui ex eis tormentórum vim reformidare videbántur, cohortatióne sic confirmábat, ut pro Jesu Christo multi se ultro tortóribus offerrent. In illis fuére Marcus et Marcellianus fratres, qui Romæ in custódia erant apud Nicóstratum: cujus uxor Zoë vocem, quam amiserat, Sebastiáni oratióne recuperávit. Quibus Diocletiáno delatis, Sebastianum accersit, et vehementius objurgátum ómnibus artificiis a Christi fide conátur avértere. Sed cum nihil nec pollicendo, nec terréndo proficeret, ad palum alligátum sagittis confígi jubet.

[Lectio6]
Quem ómnium opinióne mortuum noctu sancta mulier Iréne sepeliéndi grátia jussit auferri; sed vivum repertum domi suæ curávit. Itaque paulo post confirmáta valetúdine, Diocletiáno obviam factus, ejus impietátem liberius accusávit. Cujus aspectu cum ille primum obstupuísset, quod mortuum crederet; rei novitate et acri Sebastiáni reprehensióne excandéscens, eum tamdiu virgis cædi imperávit, donec ánimam Deo redderet. Ejus corpus in cloácam dejectum Lucina, a Sebastiáno in somnis admonita ubi esset et quo loco humari vellet, ad Catacumbas sepelívit, ubi sancti Sebastiáni nómine celebris ecclésia est ædificata.

[Lectio94]
Fabiánus Románus, a Maximíno usque ad Décium regens Ecclésiam, septem diáconis regiónes divísit, qui páuperum curam habérent. Tótidem subdiáconos creávit, qui res gestas Mártyrum a septem notáriis scriptas collígerent. Idem státuit, ut quotánnis féria quinta in Cœna Dómini, vétere combústo, Chrisma renovarétur. Dénique décimo tértio kaléndas februárii martýrio coronátus, in cœmetério Callísti via Appia sepelítur. Sebastiánus, ob géneris nobilitátem et virtútem Diocletiáno carus, dux primæ cohórtis, Christiános, quorum fidem clam colébat, ópera et facultátibus adjuvábat, et in Christi confessióne confirmábat. Quibus Diocletiáno delátis, Sebastiánum ómnibus artifíciis a Christi fide conátur avértere. Sed cum nihil nec pollicéndo, nec terréndo profíceret, ad palum alligátum sagíttis confígi jubet. Verum Dei servus, ómnium opinióne mórtuus judicátus, cum paulo post, sanus Diocletiáno óbviam factus, ejus impietátem libérius accusáret, jussu tyránni támdiu virgis cæsus est, donec spíritum rédderet.
&teDeum

[Lectio7]
@Commune/C3:Lectio7 in 2 loco

[Lectio8]
@Commune/C3:Lectio8 in 2 loco

[Lectio9]
@Commune/C3:Lectio9 in 2 loco