[Officium]
Ss. Marii, Marthæ, Audifacis, et Abachum Martyrum

[Rank]
;;Simplex;;1.1;;vide C3a

[Rule]
vide C3a;

[Oratio]
Exáudi, Dómine, pópulum tuum cum Sanctórum tuórum patrocínio supplicántem: ut et temporális vitæ nos tríbuas pace gaudére; et ætérnæ reperíre subsídium.
$Per Dominum

[Lectio93]
Marius Persa, nobili loco natus, cum Martha cónjuge pari nobilitate, et duobus fíliis Audíface et Abachum, Romam venit Cláudio imperatóre, ut Mártyrum sepúlcra venerarétur. Ibi Christiános in víncula conjectos fovébant, et ópera ac facultátibus suis sustentábant, et Sanctórum córpora sepeliebant. Quam ob rem comprehénsi omnes, cum nec impiórum minis nec terróre commoveréntur, ut diis sacrificarent; primum fustibus debilitati, deínde funibus attracti, tum admótis candéntibus, láminis combusti, et úngulis férreis excarnificáti sunt. Postremo præcisis mánibus, et ad collum alligatis, ducti per mediam urbem, via Cornelia ad tertium décimum ab Urbe milliárium, in eum locum, qui Nymphe dicebátur, necántur: ac primum Martha, quæ virum ac fílios ad supplícia pro Jesu Christi fide constanter perferenda, veheménter fuerat cohortáta; mox ceteris in eádem arenaria cervices abscindúntur, eorúmque córpora conjiciúntur in ignem. Quæ semiusta, Felícitas matrona Romana nobilis, colligenda et in suo prædio sepelienda curávit.
&teDeum