[Officium]
S. Marcelli Papæ et Martyris

[Rank]
;;Semiduplex;;2.2;;vide C2b

[Rank] (rubrica cisterciensis)
S. Marcelli, Papæ et Martyris;;Commemoratio;;1;;vide C2

[Rule]
vide C2b;
9 lectiones

[Name]
Marcélli

[Oratio]
Preces pópuli tui, quǽsumus, Dómine, cleménter exáudi: ut beáti Marcélli Mártyris tui atque Pontíficis méritis adjuvémur, cujus passióne lætámur.
$Per Dominum

[Lectio4]
Marcellus Romanus, a Constantio et Galerio usque ad Maxéntium pontificátum gessit. Cujus hortatu Lucina matrona Romana, bonórum suórum Dei Ecclésiam fecit heredem. Aucto in Urbe fidelium numero, ad eórum utilitátem, ad baptismum pœnitentiámque dandam eis, qui christianam religiónem suscíperent, et ad Mártyrum sepultúram, novos Titulos instituit, et quasi álteras diœcéses distríbuit. Quibus rebus ira incénsus Maxentius, Marcello gravia supplícia minátur, nisi, depósito pontificatu, idolis immoláret.

[Lectio5]
Qui cum insanas hóminis voces neglígeret, misit eum in catábulum, ut bestiárum, quæ publice alebántur, curam sustinéret: ubi Marcéllus assiduis jejuniis et precibus novem menses vitam duxit, parochias, quas præsens non póterat, visitans per epistolas. Inde ereptus a clericis, hospítio recípitur a beáta Lucina, in cujus ædibus ecclésiam dedicávit, quæ hódie titulo sancti Marcelli nominátur: in qua et Christiáni orábant, et ipse beátus Marcellus prædicabat.

[Lectio6]
Quibus cógnitis, Maxéntius in eam ecclésiam catábuli bestias transférri, et a Marcello custodiri jubet: ubi loci fœditate, multisque ærumnis afflíctus obdormívit in Dómino. Cujus corpus in cœmeterio Priscillæ via Salaria a beáta Lucina sepúltum est décimo septimo Kalendas Februarii. Sedit annos quinque, mensem unum, dies viginti quinque. Scripsit epistolam ad episcopos Antiochenæ provinciæ de primatu Romanæ Ecclésiæ, quam caput ecclesiárum appellandam demonstrat; ubi étiam illud scriptum est, nullum concílium jure celebrari, nisi ex auctoritáte Romani Pontificis. Ordinávit mense Decembri Romæ presbyteros viginti quinque, diaconos duos, episcopos per diversa loca viginti unum.

[Lectio94]
Marcéllus Románus, a Constántio et Galério usque ad Maxéntium pontificátum gessit. Ejus hortátu Lucína, matróna Romána, bonórum suórum Dei Ecclésiam fecit herédem. Aucto in Urbe fidélium número, novos Títulos instítuit, et quasi álteras diœcéses distríbuit. Quare irátus Maxéntius, grávia supplícia minátur, nisi, depósito pontificátu, idólis immoláret. Acriter réstitit póntifex, ideóque missus fuit in catábulum, ut bestiárum, quæ públice alebántur, curam sustinéret. Novem menses ibi tradúxit, paróchias, quas præsens non póterat, vísitans per epístolas. Inde eréptus a cléricis, hospítio recípitur a beáta Lucína, in cujus ǽdibus ecclésiam dedicávit, ubi fidélibus prædicábat. Tunc Maxéntius in eam ecclésiam béstias catábuli transférri et a Marcéllo custodíri jubet: qui, loci fœditáte et ærúmnis afflíctus obdormívit in Dómino. Ejus corpus in cœmetério Priscíllæ via Salária a beáta Lucína sepúltum est die décima sexta januárii.
&teDeum

[Responsory8]
R. Dómine, prævenísti eum in benedictiónibus dulcédinis: 
* Posuísti in cápite ejus corónam de lápide pretióso.
V. Vitam pétiit a te, et tribuísti ei longitúdinem diérum in sæculum sæculi.
R. Posuísti in cápite ejus corónam de lápide pretióso.
&Gloria
R. Posuísti in cápite ejus corónam de lápide pretióso.

[Responsory8] (rubrica tridentina)
@Commune/C2a