[Rank]
In Octava Epiphaniæ;;Duplex majus;;6.3;;ex Sancti/01-06
(sed rubrica tridentina)
In Octava Epiphaniæ;;Duplex majus;;6.9;;ex Sancti/01-06
(sed rubrica 196)
Commemoratio Baptismatis Domini Nostri Jesu Christi;;Duplex II. classis;;5;;ex Sancti/01-06
(sed rubrica 1955)
Commemoratio Baptismatis Domini Nostri Jesu Christi;;Duplex majus;;4;;ex Sancti/01-06

[Rule]
ex Sancti/01-06;
Lectio1 tempora
Doxology=Epi
9 lectiones
Comkey=20
(rubrica 196 dicitur)
no commemoratio
Festum Domini

[Responsory Vespera 1]
@Sancti/01-06:Responsory Breve Tertia

[Ant 1] (rubrica cisterciensis)
Baptízat * miles Regem, servus Dóminum suum, Joánnes Salvatórem: aqua Jordánis stúpuit: colúmba protestátur: Patérna vox audíta est: Hic est Fílius meus.

[Oratio]
Deus, cujus Unigénitus in substántia nostræ carnis appáruit: præsta, quǽsumus; ut per eum, quem símilem nobis foris agnóvimus, intus reformári mereámur:
$Qui tecum

[Responsory1]
@Sancti/01-06

[Responsory2]
@Sancti/01-06

[Responsory3]
@Sancti/01-06

[Lectio4]
Sermo sancti Gregórii Nazianzéni
!Oratio in sancta Lumina
Non possum cohibére lætítiæ voluptátem, sed mente extóllor, et affícior: et própriæ pusillitátis oblítus, offícium magni Joánnis, immo pótius famulátum subíre conténdo, ac géstio: et licet non sim præcúrsor, de erémo tamen vénio. Christus ergo illuminátur, immo pótius fulgóre suo nos illúminat: Christus baptizátur, simul et nos descendámus, ut cum ipso páriter ascendámus.

[Lectio5]
Joánnes baptízat, et accédit Jesus, sanctíficans quidem et ipsum, qui baptízat, præcípue tamen ut et véterem Adam sepéliat in aquis, et ante ómnia, ut per hæc sanctificéntur aquæ Jordánis: ut sicut erat spíritus et caro, ita et his, qui baptizándi erant, in spíritu et aqua sanctificatiónis succéssio traderétur. Non súscipit Baptísta, conténdit Jesus. Ego, inquit, opus hábeo a te baptizári. Lucérna dicit ad Solem, et vox lóquitur ad Verbum.

[Lectio6]
Ascéndit Jesus de aqua, secum quodámmodo demérsum edúcens et élevans mundum: et vidit non dívidi cælum, sed aperíri, quod sibi ac nobis post se aliquándo Adam ille conclúserat; sicut et ígneo gládio paradísus fúerat conclúsus. Spíritus Sanctus testimónium pérhibet: simília namque sibi ipsa concúrrunt. De cælo testimónium defértur: inde enim erat ille, cui testimónium perhibétur.

[Lectio7]
Léctio sancti Evangélii secúndum Joánnem
!Joannes 1:29-34
In illo témpore: Vidit Joánnes Jesum veniéntem ad se, et ait: Ecce Agnus Dei, ecce qui tollit peccátum mundi. Et réliqua.
_
Homilía sancti Augustíni Epíscopi
!Tract. 6 in Joann., ante med.
Antequam veníret Dóminus ut baptizarétur a Joánne in Jordáne, nóverat eum illis vócibus, ubi ait: Tu ad me venis baptizári? ego a te débeo baptizári. Sed ecce Dóminum nóverat, nóverat Fílium Dei. Unde probámus quod jam nóverat, quia ipse baptizáret in Spíritu Sancto? Antequam veníret ad flúvium, cum multi ad Joánnem cúrrerent baptizári, ait illis: Ego quidem baptízo vos in aqua: qui autem post me venit, major me est: cujus non sum dignus corrígiam calceaménti sólvere: ipse vos baptizábit in Spíritu Sancto, et igni. Jam et hoc nóverat.

[Lectio8]
Quid ergo per colúmbam dídicit, ne mendax póstea inveniátur, (quod avértat a nobis Deus opinári) nisi quamdam proprietátem in Christo talem futúram, ut quamvis multi minístri baptizatúri essent, sive justi, sive injústi, non tribuerétur sánctitas baptísmi nisi illi, super quem descéndit colúmba, de quo dictum est: Hic est qui baptízat in Spíritu Sancto? Petrus baptízet, hic est qui baptízat: Paulus baptízet, hic est qui baptízat: Judas baptízet, hic est qui baptízat. Nam si pro diversitáte meritórum baptísma sanctum est: quia divérsa sunt mérita, divérsa erunt baptísmata: et tanto quisque áliquid mélius putátur accípere, quanto a melióre vidétur accepísse.

[Lectio9]
Ipsi sancti, (intellégite, fratres) boni pertinéntes ad colúmbam, pertinéntes ad sortem civitátis illíus Jerúsalem, ipsi boni in Ecclésia, de quibus dicit Apóstolus: Novit Dóminus qui sunt ejus; diversárum gratiárum sunt, non omnes pária mérita habent. Sunt álii áliis sanctióres, sunt álii áliis melióres. Quare ergo si unus ab illo, verbi grátia, justo, sancto baptizétur, álius ab álio inferióris mériti apud Deum, inferióris gradus, inferióris continéntiæ, inferióris vitæ; unum tamen et par et æquále est quod accepérunt, nisi quia hic est, qui baptízat?
&teDeum

[Ant Laudes] (rubrica cisterciensis)
Véterem hóminem * rénovans Salvátor venit ad baptísmum, ut natúram quæ corrúpta est, per aquam recuperáret: incorruptíbili veste circumamíctans nos.
Te, qui in spíritu * et igne puríficas humána contágia, Deum et Redemptórem omnes glorificámus.
Baptísta cóntremit, * et non audet tángere sanctum Dei vérticem, sed clamat cum tremóre: Sanctífica me, Salvátor.
Caput dracónis * Salvátor contéruit in Jordáne flúmine, ab ejus potestáte omnes erípuit.
Magnum mystérium * declarátur hódie, quia Creátor ómnium in Jordáne expúrgat nostra facínora.

[Ant 2] (rubrica cisterciensis)
Præcúrsor * Joánnes exúltat in Jordáne batizáto Dómino: facta est orbis terrárum exultátio: facta est peccatórum nostrórum remíssio sanctificátis aquis: ipsi omnes clamémus: Miserére nobis.

[Ant 3] (rubrica cisterciensis)
Fontes aquárum * sanctificáti sunt, Christo apparénte in glória. Orbis terrárum, hauríte aquas de fóntibus Salvatóris; sanctificávit enim nunc omnem creatúram Christus Deus noster.