[Rank]
In Circumcisione Domini;;Duplex II classis;;5.09;;ex Sancti/12-25

[Rank] (rubrica 196)
Die Octavæ Nativitatis Domini;;Duplex I classis;;6;;ex Sancti/12-25

[Rule]
ex Sancti/12-25;
Psalmi Dominica
Antiphonas Horas
9 lectiones 1960
no commemoratio
Lectio1 TempNat

[Ant Vespera]
O admirábile commércium: * Creátor géneris humáni, animátum corpus sumens, de Vírgine nasci dignátus est; et procédens homo sine sémine, largítus est nobis suam Deitátem.;;109
Quando natus es * ineffabíliter ex Vírgine, tunc implétæ sunt Scriptúræ: sicut plúvia in vellus descendísti, ut salvum fáceres genus humánum: te laudámus, Deus noster.;;112
Rubum, quem víderat Móyses * incombústum, conservátam agnóvimus tuam laudábilem virginitátem: Dei Génetrix, intercéde pro nobis.;;121
Germinávit radix Jesse, * orta est stella ex Jacob: Virgo péperit Salvatórem; te laudámus, Deus noster.;;126
Ecce María génuit * nobis Salvatórem, quem Joánnes videns, exclamávit, dicens: Ecce Agnus Dei, ecce qui tollit peccáta mundi, allelúja.;;147

[Versum 1]
@Tempora/Nat1-0

[Versum 1] (rubrica cisterciensis)
@Sancti/12-25:Versum 2

[Ant 1]
Propter nímiam * caritátem suam, qua diléxit nos Deus, Fílium suum misit in similitúdinem carnis peccáti, allelúja.

[Ant 1] (rubrica cisterciensis)
Qui de terra est, * de terra lóquitur; qui de cœlo venit, super omnes est: et quod vidit, et audívit, hoc testátur, et testimónium ejus nemo áccipit; qui autem accéperit ejus testimónium, signávit quia Deus verax est.

[Oratio]
Deus, qui salútis ætérnæ, beátæ Maríæ virginitáte fecúnda, humáno géneri prǽmia præstitísti: tríbue, quǽsumus; ut ipsam pro nobis intercédere sentiámus, per quam merúimus auctórem vitæ suscípere, Dóminum nostrum Jesum Christum Fílium tuum:
$Qui tecum

[Ant Matutinum]
Dóminus dixit * ad me: Fílius meus es tu, ego hódie génui te.;;2
In sole pósuit * tabernáculum suum: et ipse tamquam sponsus procédens de thálamo suo.;;18
Elevámini, * portæ æternáles, et introíbit Rex glóriæ.;;23
Speciósus forma * præ fíliis hóminum, diffúsa est grátia in lábiis tuis.;;44
Homo natus est * in ea, et ipse fundávit eam Altíssimus.;;86
Exsultábunt ómnia ligna * silvárum ante fáciem Dómini, quóniam venit.;;95
In princípio, * et ante sǽcula Deus erat Verbum, et ipse natus est hódie Salvátor mundi.;;96
Ante lucíferum génitus, * et ante sǽcula, Dóminus Salvátor noster hódie nasci dignátus est.;;97
Nato Dómino, * Angelórum chorus canébat, dicens: Salus Deo nostro, sedénti super thronum, et Agno.;;98

[Nocturn 3 Versum]
@Sancti/12-25:Versum 2

[Responsory1]
R. Ecce Agnus Dei, ecce qui tollit peccáta mundi: ecce de quo dicébam vobis: Qui post me venit, ante me factus est: 
* Cujus non sum dignus corrígiam calceaménti sólvere.
V. Qui de terra est, de terra lóquitur: qui de cælo venit, super omnes est.
R. Cujus non sum dignus corrígiam calceaménti sólvere.

[Responsory2]
R. Dies sanctificátus illúxit nobis: veníte, gentes, et adoráte Dóminum: 
* Quia hódie descéndit lux magna in terris.
V. Hæc dies quam fecit Dóminus, exsultémus et lætémur in ea.
R. Quia hódie descéndit lux magna in terris.

[Responsory3]
R. Benedíctus qui venit in nómine Dómini, Deus Dóminus, et illúxit nobis: 
* Allelúja, allelúja.
V. Hæc dies quam fecit Dóminus, exsultémus et lætémur in ea.
R. Allelúja, allelúja.
&Gloria
R. Allelúja, allelúja.

[Lectio4]
Sermo sancti Leónis Papæ
!Sermo 7 de Nativitate Domini
Festivitátis hodiérnæ, dilectíssimi, verus venerátor est, et pius cultor, qui nec de Incarnatióne Dómini áliquid falsum, nec de Deitáte áliquid sentit indígnum. Paris enim perículi malum est, si illi aut natúræ nostræ véritas, aut Patérnæ glóriæ negátur æquálitas. Cum ergo ad intellegéndum sacraméntum nativitátis Christi, qua de Matre vírgine est ortus, accédimus, abigátur procul terrenárum calígo ratiónum, et ab illuminátæ fídei óculo mundánæ sapiéntiæ fumus abscédat.

[Responsory4]
R. Congratulámini mihi, omnes qui dilígitis Dóminum: 
* Quia, cum essem párvula, plácui Altíssimo, et de meis viscéribus génui Deum et hóminem.
V. Beátam me dicent omnes generatiónes, quia ancíllam húmilem respéxit Deus.
R. Quia, cum essem párvula, plácui Altíssimo, et de meis viscéribus génui Deum et hóminem.

[Lectio5]
Divína est enim auctóritas, cui crédimus: divína est doctrína, quam séquimur. Quóniam sive legis testificatióni, sive oráculis prophetárum, sive evangélicæ tubæ interiórem admoveámus audítum; verum est, quod Joánnes plenus Spíritu Sancto intónuit: In princípio erat Verbum, et Verbum erat apud Deum, et Deus erat Verbum. Hoc erat in princípio apud Deum. Omnia per ipsum facta sunt, et sine ipso factum est nihil. Et simíliter verum est, quod idem prædicátor adjécit: Verbum caro factum est et habitávit in nobis: et vídimus glóriam ejus, glóriam quasi Unigéniti a Patre.

[Responsory5]
R. Confirmátum est cor Vírginis, in quo divína mystéria, Angelo nuntiánte, concépit: tunc speciósum forma præ fíliis hóminum castis suscépit viscéribus: 
* Et benedícta in ætérnum, Deum nobis prótulit et hóminem.
V. Domus pudíci péctoris templum repénte fit Dei: intácta nésciens virum, verbo concépit Fílium.
R. Et benedícta in ætérnum, Deum nobis prótulit et hóminem.

[Lectio6]
In utráque ergo natúra idem est Dei Fílius, nostra suscípiens, et própria non amíttens: in hómine hóminem rénovans, in se incommutábilis persevérans. Déitas enim, quæ illi cum Patre commúnis est, nullum detriméntum omnipoténtiæ súbiit, nec Dei formam servi forma violávit: quia summa et sempitérna esséntia, quæ se ad humáni géneris inclinávit salútem, nos quidem in suam glóriam tránstulit, sed quod erat, esse non déstitit. Unde cum Unigénitus Dei minórem se Patre confitétur, cui se dicit æquálem, veritátem in se formæ utriúsque demónstrat: ut et humánam probet imparílitas, et divínam decláret æquálitas.

[Responsory6]
R. Benedícta et venerábilis es, Virgo María, quæ sine tactu pudóris invénta es mater Salvatóris: 
* Jacébat in præsépio, et fulgébat in cælo.
V. Dómine, audívi audítum tuum, et tímui: considerávi ópera tua, et expávi: in médio duórum animálium.
R. Jacébat in præsépio, et fulgébat in cælo.
&Gloria
R. Jacébat in præsépio, et fulgébat in cælo.

[Lectio7]
Léctio sancti Evangélii secúndum Lucam
!Luc 2:21
In illo témpore: Postquam consummáti sunt dies octo, ut circumciderétur Puer: vocátum est nomen ejus Jesus. Et réliqua.
_
Homilía sancti Ambrósii Epíscopi
!Liber 2 in cap. 2 Lucæ, circa medium
Circumcíditur ítaque Puer. Quis est iste puer, nisi ille, de quo dictum est: Puer natus est nobis, Fílius datus est nobis? Factus est enim sub lege, ut eos, qui sub lege essent, lucrifáceret. Ut sísterent eum Dómino. Quid sit autem in Jerúsalem sisti Dómino, dícerem, nisi in Isaíæ comméntis ante dixíssem. Circumcísus enim vítiis, Domínico dignus judicátur obtútu; quia, Oculi Dómini super justos. Vides omnem legis véteris sériem fuísse typum futúri: nam et circumcísio purgatiónem signíficat delictórum.

[Responsory7]
@Sancti/12-25:Responsory6

[Lectio8]
Sed quóniam prona quadam cupiditáte peccándi, humánæ carnis et mentis fragílitas inextricabílibus vítiis implicátur, eo per octávum circumcisiónis diem culpæ totíus futúra purgátio, resurrectiónis præfigurabátur ætáte. Hoc est enim illud: Quia omne masculínum adapériens vulvam, sanctum Dómino vocábitur. Verbis enim legis promittebátur Vírginis partus. Et vere sanctus, quia immaculátus. Dénique ipsum esse, qui lege signétur, in eúndem modum ab Angelo repetíta verba declárant: Quod nascétur, inquit, Sanctum, vocábitur Fílius Dei.

[Responsory8]
R. Nésciens Mater Virgo virum, péperit sine dolóre: 
* Salvatórem sæculórum, ipsum Regem Angelórum, sola Virgo lactábat úbere de cælo pleno.
V. Domus pudíci péctoris templum repénte fit Dei: intácta nésciens virum, verbo concépit Fílium.
R. Salvatórem sæculórum, ipsum Regem Angelórum, sola Virgo lactábat úbere de cælo pleno.
&Gloria
R. Salvatórem sæculórum, ipsum Regem Angelórum, sola Virgo lactábat úbere de cælo pleno.

[Lectio9]
Solus enim per ómnia ex natis de fémina sanctus Dóminus Jesus, qui terrénæ contágia corruptélæ, immaculáti partus novitáte non sénserit, et cælésti majestáte depúlerit. Nam si lítteram sequámur: quómodo sanctus omnis másculus, cum multos sceleratíssimos fuísse non láteat? Numquid sanctus Achab? numquid sancti pseudoprophétæ, quos ad Elíæ preces ultor cæléstis injúriæ ignis absúmpsit? Sed ille sanctus, quem in figúra futúri mystérii pia legis divínæ præscrípta signábant; eo quod solus sanctæ Ecclésiæ vírginis ad generándos pópulos Dei, immaculátæ fecunditátis aperíret genitále secrétum.
&teDeum

[Ant Laudes]
@:Ant Vespera:s/;;.*//g

[Capitulum Laudes]
!Titus 2:11-12
v. Appáruit grátia Dei Salvatóris nostri ómnibus homínibus, erúdiens nos, ut abnegántes impietátem, et sæculária desidéria, sóbrie, et juste, et pie vivámus in hoc sǽculo.
$Deo gratias

[Versum 2]
@:Versum 1

[Ant 2]
Mirábile mystérium * declarátur hódie: innovántur natúræ, Deus homo factus est: id quod fuit permánsit, et quod non erat assúmpsit; non commixtiónem passus, neque divisiónem.

[Ant 3]
Magnum * hereditátis mystérium: templum Dei factus est úterus nesciéntis virum: non est pollútus ex ea carnem assúmens; omnes gentes vénient dicéntes: Glória tibi, Dómine.