02-04# Ex Cápite 7 Régulæ Sancti Patri Nostri Benedícti: De humilitáte 
_
Séptimus humilitátis gradus est: si ómnibus se inferiórem et viliórem non solum sua lingua pronúntiet, sed étiam íntimo cordis credat afféctu, humílians se et dicens cum Prophéta: Ego autem sum vermis et non homo, obpróbrium hóminum et abjéctio plebis. Exaltátus sum et humiliátus et confúsus. Et item: Bonum mihi quod humiliásti me, et discam mandáta tua.