02-02# Ex Cápite 7 Régulæ Sancti Patri Nostri Benedícti: De humilitáte 
_
Quintus humilitátis gradus est, si omnes cogitatiónes malas cordi suo adveniéntes vel mala a se abscónse commíssa per húmilem confessiónem abbátem non celáverit suum. Hortans nos de hac re Scriptúra dicens: Revéla ad Dóminum viam tuam et spera in eum. Et item dicit: Confitémini Dómino quóniam bonus, quóniam in ætérnum misericórdia ejus. Et item Prophéta: Delíctum meum cógnitum tibi feci et injustítias meas non opérui. Dixi: pronuntiábo advérsum me injustítias meas Dómino, et tu remisísti impietátem cordis mei.