01-10# Ex Cápite 2 Régulæ Sancti Patri Nostri Benedícti: Qualis débeat abbas esse
_
Sciátque abbas culpæ pastóris incúmbere quidquid in óvibus paterfamílias utilitátis minus potúerit inveníre. Tantúmdem íterum erit ut, si inquiéto vel inobœdiénti gregi pastóris fúerit omnis diligéntia adtribúta et mórbidis eárum áctibus univérsa fúerit cura exhíbita, pastor eórum in judício Dómini absolútus dicat cum Prophéta Dómino: Justítiam tuam non abscóndi in corde meo, veritátem tuam et salutáre tuum dixi; ipsi autem contemnéntes sprevérunt me, et tunc demum inobœdiéntibus curæ suæ óvibus pœna sit eis prǽvalens ipsa mors.