01-05# Ex Prólogo Sancti Patri Nostri Benedícti in Régulam suam.
_
Unde et Dóminus in Evangélio ait: Qui audit verba mea hæc et facit ea, similábo eum viro sapiénti qui ædificávit domum suam super petram; venérunt flúmina, flavérunt venti, et inpegérunt in domum illam, et non cécidit, quia fundáta erat super petram. Hæc conplens Dóminus expéctat nos cotídie his suis sanctis mónitis factis nos respondére debére. Ídeo nobis propter emendatiónem malórum hujus vitæ dies ad indútias relaxántur, dicénte Apóstolo: An nescis quia patiéntia Dei ad pæniténtiam te addúcit? Nam pius Dóminus dicit: Nolo mortem peccatóris, sed convertátur et vivat.