01-03# Ex Prólogo Sancti Patri Nostri Benedícti in Régulam suam.
_
Et quærens Dóminus in multitúdine pópuli cui hæc clamat operárium suum íterum dicit: Quis est homo qui vult vitam et cupit vidére dies bonos? Quod si tu áudiens respóndeas: Ego, dicit tibi Deus: Si vis habére veram et perpétuam vitam, próhibe linguam tuam a malo et lábia tua ne loquántur dolum; devérte a malo et fac bonum, inquíre pacem et séquere eam. Et cum hæc fecéritis, óculi mei super vos et aures meas ad preces vestras, et ántequam me invocétis, dicam vobis: Ecce adsum. Quid dúlcius ab hac voce Dómini invitántis nos, fratres caríssimi? Ecce pietáte sua demónstrat nobis Dóminus viam vitæ.