Sexto Nonas Mártii
_
Romæ, via Latína, sanctórum Mártyrum Jovíni et Basiléi, qui passi sunt sub Valeriáno et Galliéno Imperatóribus.
Item Romæ plurimórum sanctórum Mártyrum, qui sub Alexándro Imperatóre et Ulpiáno Præfécto, diu cruciáti, ad extrémum capitáli senténtia damnáti sunt.
Cæsaréæ, in Cappadócia, sanctórum Mártyrum Lúcii Epíscopi, Absalónis et Lórgii.
In Portu Románo sanctórum Mártyrum Pauli, Heráclii, Secundíllæ et Januáriæ.
In Campánia commemorátio sanctórum octogínta Mártyrum, qui, cum nollent carnes immolátas comédere nec caput capræ adoráre, a Longobárdis sævíssime cæsi sunt.
Lichféldiæ, in Anglia, sancti Ceáddæ, Epíscopi Merciórum et Lindisfarnórum, cujus præcláras virtútes sanctus Beda Venerábilis commémorat.