Kaléndas Octóbris
_
Sancti Remígii, Epíscopi Rheménsis et Confessóris, qui Idibus Januárii obdormívit in Dómino, sed hac die, ob Translatiónem córporis ejus, potíssimum cólitur.
Romæ beáti Arétæ Mártyris et aliórum quingentórum quátuor.
Tomis in Ponto sanctórum Mártyrum Prisci, Crescéntis, et Evágrii.
Ulyssipóne in Lusitánia sanctórum Mártyrum Veríssimi, Máximæ et Júliæ sorórum ejus, qui in persecutióne Diocletiáni passi sunt.
Tornáci sancti Piatonis Presbýteri et Mártyris, qui cum beáto Quinctíno ejúsque Sóciis ab urbe Roma in Gálliam prædicatiónis causa perréxit, ac póstea in persecutióne Maximiáni consummáto martýrio migrávit ad Dóminum.
Thessalonícæ sancti Domníni Mártyris, sub eódem Maximiáno.
Urbe Véteri sancti Sevéri Presbýteri et Confessóris.
In Portu Gandæ sancti Bavónis Confessóris.