Tértio Idus Septémbris
_
Romæ, via Salária véteri, in cœmetério Basíllæ, natális sanctórum Mártyrum Proti et Hyacínthi fratrum, eunuchórum beátæ Eugéniæ. Hi, sub Galliéno Imperatóre, deprehénsi quod essent Christiáni, sacrificáre cogúntur; sed non consentiéntes, primo duríssime verberáti sunt, ac tandem páriter decolláti.
Legióne, in Hispánia, sancti Vincéntii, Abbátis et Mártyris.
Laodicéæ, in Sýria, pássio sanctórum Diodóri, Diomédis et Dídymi.
In Ægýpto sancti Paphnútii Epíscopi, qui unus fuit ex iis Confessóribus, qui, sub Galério Maximiáno Imperatóre, dextro óculo effósso et sinístro póplite excíso, ad metálla damnáti fuérunt; deínde, sub Constantíno Magno, advérsus Ariános, pro fide cathólica, strénue decertávit; et demum, multis corónis auctus, in pace quiévit.
Lugdúni, in Gállia, deposítio sancti Patiéntis Epíscopi.
Vercéllis sancti Æmiliáni Epíscopi.
Alexandríæ sanctæ Theodóræ, quæ, cum incáute deliquísset, inde, facti pǽnitens, mirábili abstinéntia et patiéntia in hábitu sancto perseverávit incógnita usque ad mortem.