Sexto Kaléndas Maji
_
Romæ natális beáti Cleti, Papæ et Mártyris; qui, secúndus post Apóstolum Petrum, rexit Ecclésiam, et martýrio in persecutióne Domitiáni coronátus est.
Sancti Marcellíni, Papæ et Mártyris, cujus dies natális octávo Kaléndas Novémbris recensétur.
Amaséæ, in Ponto, sancti Basiléi, Epíscopi et Mártyris, qui, sub Licínio Imperatóre, illústre martýrium consummávit. Ipsíus autem corpus, in mare projéctum, et ab Elpidíphoro, Angeli mónitu repértum, honorífice tumulátum fuit.
Brácari, in Lusitánia, sancti Petri Mártyris, qui fuit primus ejúsdem civitátis Epíscopus.
Viénnæ, in Gállia, sancti Claréntii, Epíscopi et Confessóris. 
Verónæ sancti Lucídii Epíscopi.
In monastério Céntula, in Gállia, sancti Richárii, Presbýteri et Confessóris.
Trecis, in Gállia, sanctæ Exsuperántiæ Vírginis.