[Adv1-0]
Dominica prima Adventus Domini nostri Jesu Christi.

[Nat1-0]
Festum sanctissimi Nominis Jesu.
  	
[Nat2-0]
Festum sanctae Familiae Jesu, Mariae, Joseph;~
ex qua Christianis familiis sanctissima proponuntur exempla, et opportuna invocantur auxilia.

[Quadp1-0]
Dominica Septuagesimae, in qua deponitur Canticum Domini Alleluja.

[Quadp3-3]
Dies Cinerum, et initium jejunii sacratissimae Quadragesimae.

[Quad5-0]
Dominica Passionis.

[Quad6-0]
Dominica Palmarum, quando Dominus noster Jesus Christus,~
juxta Zachariae prophetiam, sedens super pullum asinae, Hierosolymam intravit; cui turba cum ramis palmarum obviam venit.
 
[Quad6-4]
Cena Dominicae, quando Christus Jesus, pridie quam pro nostra salute crucifigeretur, mysteria Corporis et Sanguinis sui Discipulis tradidit celebranda.

[Pasc0-1]
Hac die, quam fecit Dominus, Solemnitas solemnitatum, et Pascha nostrum: Resurrectio Salvatoris nostri Jesu Christi secundum carnem.

[Pasc1-0]
Dominica in Albis in Octava Paschae.

[Pasc5-1]
Romae Litaniae minores ad sanctam Mariam Majorem.
 
[Pasc5-2]
Romae Litaniae minores ad sanctum Joannem in Laterano.
 
[Pasc5-3]
Vigilia Ascensionis Domini nostri Jesu Christi.
Romae Litaniae minores ad sanctum Petrum
 
[Pasc5-4]
In monte Oliveti Ascensio Domini nostri Jesu Christi.
 
[Pasc6-4]
Octava Ascensionis Domini nostri Jesu Christi.
 
[Pasc6-6]
Vigilia Pentecostes.
 
[Pasc7-0]
Dies Pentecostes, quando Spiritus Sanctus Hierosolymis super Discipulos igneis linguis advenit.

[Pent01-0]
Festum sacratissimae et individuae Trinitatis, et Octava Pentecostes.
 
[Pent01-4]
Festum sanctissimi Corporis Christi.
 
[Pent02-4]
Octava sanctissimi Corporis Christi.

[Nativity]
Anno a creatióne mundi, quando in princípio Deus creávit cælum et terram, quínquies millésimo centésimo nonagésimo nono: A dilúvio autem, anno bis millésimo nongentésimo quinquagésimo séptimo: A nativitáte Abrahæ, anno bis millésimo quintodécimo: A Moyse et egréssu pópuli Israël de Ægypto, anno millésimo quingentésimo décimo: Ab unctióne David in Regem, anno millésimo trigésimo secúndo; Hebdómada sexagésima quinta, juxta Daniélis prophetíam: Olympíade centésima nonagésima quarta: Ab urbe Roma cóndita, anno septingentésimo quinquagésimo secúndo: Anno Impérii Octaviáni Augústi quadragésimo secúndo, toto Orbe in pace compósito, sexta mundi ætáte, Jesus Christus ætérnus Deus, æterníque Patris Fílius, mundum volens advéntu suo piíssimo consecráre, de Spíritu Sancto concéptus, novémque post conceptiónem decúrsis ménsibus (Hic vox elevatur, et omnes genua flectunt), in Béthlehem Judæ náscitur ex María Vírgine factus Homo.