Kalendis Aprilis
_
Romae passio sanctae Theodorae, sororis illustrissimi Martyris Hermetis, quae, sub Hadriano Imperatore, ab Aureliano Judice affecta martyrio, sepulta est juxta fratrem suum, via Salaria, non longe ab Urbe.
Eodem die sancti Venantii, Episcopi et Martyris.
In Aegypto sanctorum Martyrum Victoris et Stephani.
In Armenia sanctorum Martyrum Quinctiani et Irenaei.
Constantinopoli sancti Macarii Confessoris, qui, sub Leone Imperatore, pro assertione sanctarum Imaginum, in exsilio vitam finivit.
Gratianopoli, in Gallia, sancti Hugonis Episcopi, qui multis annis in solitudine vitam exegit, et miraculorum gloria clarus migravit ad Dominum.
Apud Ambianum, in Gallia, sancti Walerici Abbatis, cujus sepulcrum crebris miraculis illustratur.