Tértio Nonas Maji
_
Sancti Pii Quinti, ex Ordine Prædicatórum, Papæ et Confessóris, qui Kaléndis mensis hujus obdormívit in Dómino.
Romæ sancti Silváni Mártyris.
Item Romæ sanctæ Crescentiánæ Mártyris.
Leocátæ, in Sicília, sancti Angeli, ex Ordine Carmelitárum, Presbýteri et Mártyris, qui ab hæréticis, ob defensiónem cathólicæ fídei, trucidátus est.
Alexandríæ sancti Euthýmii Diáconi, qui ob Christum quiévit in cárcere.
Antisiodóri pássio sancti Joviniáni Lectóris.
Thessalonícæ natális sanctórum Mártyrum Irenǽi, Peregríni et Irénes, qui, ígnibus combústi, palmas martýrii percepérunt.
Hierosólymis sancti Máximi Epíscopi, qui a Maximiáno Galério Cǽsare, post óculum effóssum pedémque igníto ferro adústum, ad metálla damnátus est; atque, liber inde abíre permíssus et Ecclésiæ Hierosolymitánæ præpósitus, ibi, confessiónis glória præclárus, in pace tandem quiévit.
Edéssæ, in Sýria, sancti Eulógii, Epíscopi et Confessóris.
Areláte, in Gállia, sancti Hilárii Epíscopi, doctrína et sanctitáte conspícui
Viénnæ, in Gállia, sancti Nicéti Epíscopi, venerábilis sanctitátis viri.
Bonónia sancti Theodóri Epíscopi, méritis clari.
Medioláni sancti Gerúntii Epíscopi.
Eódem die sancti Sacerdótis, Epíscopi Saguntíni.