Prídie Kaléndas Mártii
_
Romæ natális sanctórum Mártyrum Macárii, Rufíni, Justi et Theóphili.
Alexandríæ pássio sanctórum Cæreális, Púpuli, Caji et Serapiónis.
Ibídem commemorátio sanctórum Presbyterórum, Diaconórum et aliórum plurimórum; qui, témpore Valeriáni Imperatóris, cum pestis sævíssima grassarétur, morbo laborántibus ministrántes, libentíssime mortem oppetiére, et quos velut Mártyres religiósa piórum fides venerári consuévit.
Romæ sancti Hílari, Papæ et Confessóris.
In território Lugdunénsi, locis Jurénsibus, deposítio sancti Románi Abbátis, qui primus illic eremíticam vitam duxit, et, multis virtútibus ac miráculis clarus, plurimórum póstea Pater éxstitit Monachórum.
Pápiæ Translátio córporis sancti Augustíni Epíscopi, Confessóris et Ecclésiæ Doctóris, ex Sardínia ínsula, ópera Luitprándi, Regis Longobardórum.