Sexto Kaléndas Mártii
_
/:24 aut 25 in anno Bissextili.:/
In Judǽa natális sancti Matthíæ Apóstoli, qui, post Ascensiónem Dómini ab Apóstolis in Judæ proditóris locum sorte eléctus, pro Evangélii prædicatióne martýrium passus est. 
Romæ sanctæ Primitívæ Mártyris.
Rotómagi pássio sancti Prætextáti, Epíscopi et Mártyris.
Cæsaréæ, in Cappadócia, sancti Sérgii Mártyris, cujus gesta præclára habéntur.
In Africa sanctórum Mártyrum Montáni, Lúcii, Juliáni, Victórici, Flaviáni et Sociórum, qui discípuli fuérunt sancti Cypriáni, et, sub Valeriáno Imperatóre, martýrium consummárunt.
Tréviris sancti Modésti, Epíscopi et Confessóris.
Apud Stylum, in Calábria, sancti Joánnis, cognoménto Therésti, monásticæ vitæ laude et sanctitáte insígnis,
In Anglia sancti Edilbérti, Regis Cantiórum, quem sanctus Augustínus, Anglórum Epíscopus, ad Christi fidem convértit.
Hierosólymis prima Invéntio cápitis sancti Joánnis Baptístæ Præcursóris Dómini.