[Officium]
Sanctæ Mariæ Sabbato

[Missa]
Salve Sancta Parens (a Trinitate usque ad Adventum)

[Rank]
;;Simplex;;1.3;;vide C10

[Rule]
vide C10
Special Benedictio
(nisi rubrica cisterciensis) Special Lectio 3
Doxology=Nat
Antiphonas horas
(rubrica tridentina nisi rubrica cisterciensis) Psalmi Dominica
(rubrica cisterciensis) 3 lectiones
Gloria
Suffr=Spiritu;Ecclesiæ,Papa;;
Prefatio=Maria=veneratione;

[Hymnus Vespera]
@Commune/C11

[Versum 1]
@Commune/C6:Versum 2

[Ant 1_]
Beáta Mater * et intácta Virgo, gloriósa Regína mundi, intercéde pro nobis ad Dóminum.

[Ant 1_Pasch]
Regína cæli, * lætáre, allelúja; quia quem meruísti portáre, allelúja; resurréxit, sicut dixit, allelúja: ora pro nobis Deum, allelúja.

[Ant 1]
@:Ant 1_
(sed tempore paschali)
@:Ant 1_Pasch

[Oratio]
@Commune/C11

[Invit]
Ave María, grátia plena, * Dóminus tecum.

[Hymnus Matutinum]
@Commune/C11

[HymnusM Matutinum]
@Commune/C11

[Responsory1] (rubrica tridentina)
@Commune/C11

[Responsory2] (rubrica tridentina)
@Commune/C11:Responsory7:1-3
R. Quia ex te ortus est sol justítiæ
&Gloria
R. Christus, Deus noster.

[Benedictio]
Précibus et méritis beátæ Maríæ semper Vírginis et ómnium Sanctórum, perdúcat nos Dóminus ad regna cælórum.
Nos cum prole pia benedícat Virgo María.
Ipsa Virgo Vírginum intercédat pro nobis ad Dóminum.
Per Vírginem matrem concédat nobis Dóminus salútem et pacem.

[Versum 0]
@Commune/C11

[Ant Laudes] (rubrica tridentina aut rubrica cisterciensis)
@Commune/C11
(sed tempore paschali)
Allelúia, * allelúia, allelúia.

[Capitulum Laudes]
@Commune/C11

[Hymnus Laudes]
@Commune/C11

[HymnusM Laudes]
@Commune/C11

[Versum 2]
V. Benedícta tu in muliéribus.
R. Et benedíctus fructus ventris tui.

[Ant 2_]
Beáta Dei Génetrix, María, * Virgo perpétua, templum Dómini, sacrárium Spíritus Sancti, sola sine exémplo placuísti Dómino nostro Jesu Christo: ora pro pópulo, intérveni pro clero, intercéde pro devóto femíneo sexu.

[Ant 2]
@:Ant 2_
(sed rubrica cisterciensis)
@:Ant 2_:s/femíneo/fœmíneo/
(sed tempore paschali)
@:Ant 1_Pasch

[Lectio Prima]
@Commune/C11

[Responsory Breve Tertia]
@Commune/C6

[Versum Tertia]
@Commune/C6:Nocturn 2 Versum

[Capitulum Sexta]
@Commune/C11

[Responsory Breve Sexta]
@Commune/C6

[Versum Sexta]
@Commune/C6:Nocturn 3 Versum

[Capitulum Nona]
@Commune/C11:Lectio Prima
$Deo gratias

[Responsory Breve Nona]
@Commune/C6

[Versum Nona]
@Commune/C6:Versum 2

[Lectio M01]
Ex Epístola sancti Ambrósii Epíscopi ad Sirícium Papam
!Epist. 81, alias 7, post initium
De via perversitátis prodúntur dícere: Virgo concépit, sed non virgo generávit. Pótuit ergo virgo concípere, non pótuit virgo generáre, cum semper concéptus præcédat, partus sequátur? Sed, si doctrínis non créditur sacerdótum, credátur oráculis Christi; credátur mónitis Angelórum dicéntium: Quia non est impossíbile Deo omne verbum; credátur Sýmbolo Apostolórum, quod Ecclésia Romána intemerátum semper custódit et servat. Audívit María vocem Angeli, et, quæ ante díxerat: Quómodo fiet istud; non de fide generatiónis intérrogans, respóndit póstea: Ecce ancílla Dómini, contíngat mihi secúndum verbum tuum.
&teDeum

[Lectio M02]
Ex libro sancti Hierónymi Presbýteri advérsus Joviniánum
!Apologia ad Pammachium pro lib. adversus Jovinianum, in fine
Christus virgo, Mater vírginis nostri virgo perpétua, mater et virgo. Jesus enim clausis ingréssus est óstiis; et in sepúlcro ejus, quod novum et in petra duríssima fúerat excísum, nec ántea quis nec póstea pósitus est. Hortus conclúsus, fons signátus. De quo fonte ille flúvius manat, juxta Joël, qui írrigat torréntem vel fúnium vel spinárum: fúnium, peccatórum, quibus ante alligabámur; spinárum, quæ suffócant seméntem patrisfamílias. Hæc est porta orientális, ut ait Ezéchiel, semper clausa et lúcida, opériens in se vel ex se próferens Sancta sanctórum; per quam Sol justítiæ et Póntifex noster secúndum órdinem Melchísedech ingréditur et egréditur.
&teDeum

[Lectio M03]
Ex libro sancti Irenǽi Epíscopi et Mártyris advérsus hǽreses
!Lib. 5, c. 19
In sua própria veniénte Dómino et sua própria eum bajulánte conditióne, quæ bajulátur ab ipso, et recapitulatiónem ejus quæ in ligno fuit inobediéntiæ, per eam quæ in ligno est obediéntiam, faciénte, et seductióne illa solúta, qua sedúcta est male illa, quæ jam viro destináta erat, virgo Heva; per veritátem evangelizáta est bene ab Angelo jam sub viro Virgo María. Quemádmodum enim illa per Angélicum sermónem sedúcta est, ut effúgeret Deum, prævaricáta verbum ejus: ita et hæc per Angélicum sermónem evangelizáta est, ut portáret Deum, obédiens ejus verbo. Et sicut illa sedúcta est, ut effúgeret Deum; sic hæc suása est obedíre Deo, ut vírginis Hevæ Virgo María fíeret advocáta. Et quemádmodum adstríctum est morte genus humánum per vírginem, solvátur per Vírginem: æqua lance dispósita virginális inobediéntia per Virginitátem obediéntiam.
&teDeum

[Lectio M04]
De Expositióne sancti Hierónymi Presbýteri in Ezechiélem Prophétam
!Lib. 13 in cap. 44
Porta hæc clausa erit, et non aperiétur. Pulchre quidam portam clausam, per quam solus Dóminus Deus Israël ingréditur, et dux cui porta clausa est, Maríam Vírginem intéllegunt, quæ et ante partum et post partum virgo permánsit. Etenim témpore, quo Angelus loquebátur: Spíritus Sanctus véniet super te, et virtus Altíssimi obumbrábit te: quod autem nascétur ex te Sanctum, vocábitur Fílius Dei; et quando natus est, virgo permánsit ætérna; ad confundéndos eos, qui arbitrántur eam post nativitátem Salvatóris habuísse de Joseph fílios, ex occasióne fratrum ejus, qui vocántur in Evangélio.
&teDeum

[Lectio M05]
Ex Tractátu S. Augustíni Epíscopi de Sýmbolo ad Catechúmenos
!Lib. 3 cap. 4 in fine
Per féminam mors, per féminam vita: per Hevam intéritus, per Maríam salus. Illa, corrúpta, secúta est seductórem: hæc, íntegra, péperit Salvatórem. Illa póculum a serpénte propinátum libénter accépit et viro trádidit, ex quo simul mereréntur occídi: hæc, grátia cælésti désuper infúsa, vitam prótulit, per quam caro mórtua possit resuscitári. Quis est qui hæc operátus est, nisi Vírginis Fílius et vírginum Sponsus, qui áttulit Matri fecunditátem, sed non ábstulit integritátem?
&teDeum

[Lectio M06]
Sermo sancti Bernárdi Abbátis
!De Verbis Apocalypsis cap. 12, Signum magnum
Veheménter quidem nobis, dilectíssimi, vir unus et múlier una nocuére; sed, grátias Deo, per unum nihilóminus virum et mulíerum unam ómnia restaurántur, nec sine magno fǽnore gratiárum. Neque enim sicut delíctum, ita et donum; sed excédit damni æstimatiónem benefícii magnitúdo. Sic nimírum prudentíssimus et clementíssimus ártifex, quod quassátum fúerat, non confrégit, sed utílius omníno refécit, ut vidélicet nobis novum formáret Adam ex véteri, Hevam transfúnderet in Maríam.
&teDeum

[Lectio M07]
Ex Epístola sancti Ambrósii Epíscopi ad Sirícium Papam
!Epist. 81, alias 7, circa medium
Non excédit fidem, quod homo exívit de vírgine, quando petra fontem prófluum scaturívit, ferrum super aquas natávit, ambulávit homo super aquas. Ergo si hóminem unda portávit, non pótuit hóminem virgo generáre, atque hóminem, de quo légimus: Et mittet illis Dóminus hóminem, qui salvos fáciet eos et notus erit Dóminus Ægýptiis? In véteri ítaque Testaménto virgo Hebræórum per mare duxit exércitum: in novo Testaménto Virgo, géneris aula cæléstis, elécta est ad salútem.
&teDeum

[Lectio M08]
De Expositióne sancti Gregórii Papæ in libros Regum
!In 1 Reg. 1
Fuit vir unus de Ramáthaim Sophim, de monte Ephraim. Potest, hujus montis nómine, beatíssima semper Virgo María, Dei Génetrix, designári. Mons quippe fuit, quæ omnem eléctæ creatúræ altitúdinem, electiónis suæ dignitáte, transcéndit. An non mons sublímis María, quæ, ut ad conceptiónem ætérni Verbi pertíngeret, meritórum vérticem, supra omnes Angelórum choros, usque ad sólium Deitátis eréxit? Hujus enim montis præcellentíssimam dignitátem Isaías vatícinans, ait: Erit in novíssimis diébus præparátus mons domus Dómini in vértice móntium. Mons quippe in vértice móntium fuit, quia altitúdo Maríæ supra omnes Sanctos refúlsit.
&teDeum

[Lectio M09]
Ex Epístola sancti Leónis Papæ ad Pulchériam Augústam
!Epist. 13, ante medium
Sacraméntum reconcilatiónis nostræ, ante témpora ætérna dispósitum, nullæ implébant figúræ; quia nondum supervénerat Spíritus Sanctus in Vírginem nec virtus Altíssimi obumbráverat ei, ut, et intra intemeráta víscera, ædificánte sibi Sapiéntia domum, Verbum caro fíeret, et, forma Dei ac forma servi in unam conveniénte persónam, Creátor témporum nascerétur in témpore, et, per quem facta sunt ómnia, ipse inter ómnia gignerétur. Nisi enim novus homo, factus in similitúdinem carnis peccáti, nostram suscíperet vetustátem, et, consubstantiális Patri, consubstantiális esse dignarétur et matri, naturámque sibi nostram solus a peccáto liber uníret; sub jugo diáboli generáliter tenerétur humána captívas.
&teDeum

[Lectio M10]
Sermo sancti Bernárdi Abbátis
!Serm. in cap. 12 Apoc., ante med.
Amplectámur Maríæ vestígia, fratres mei, et devotíssima supplicatióne beátis illíus pédibus provolvámur. Teneámus eam nec dimittámus, donec benedíxerit nobis; potens est enim. Nempe vellus est médium inter rorem et áream: múlier inter solem et lunam: María inter Christum et Ecclésiam constitúta. Sed forte miráris, non tam vellus opértum rore, quam amíctam sole mulíerem. Magna síquidem familiáritas, sed mira omníno vicínitas solis et mulíeris. Quómodo enim in tam veheménti fervóre tam frágilis natúra subsístit? Mérito quidem admiráris, Móyses sancte, et curiósius desíderas intuéri. Verúmtamen solve calceaménta de pédibus tuis, et involúcra pone carnálium cogitatiónum, si accédere concupíscis.
&teDeum

[Lectio M101]
Sermo sancti Bernárdi Abbátis
!In Dom. infra Oct. Assumpt. B. Mariæ Virg.
Quid ergo sidéreum micat in generatióne Maríæ? Plane quod ex régibus orta, quod ex sémine Abrahæ, quod generósa ex stripe Davi. Si id parum vidétur, adde quod generatióni illi ob singuláre privilégium sanctitátis divínitus nóscitur esse concéssa, quod longe ante eísdem pátribus cǽlitus repromíssa, quod mýsticis præfiguráta miráculis, quod oráculis prænuntiáta prophéticis. Hanc enim sacerdotális virga, dum sine radíce flóruit; hanc Gedeónis vellus, dum in médio siccæ áreæ máduit; hanc in Ezechiélis visióne orientális porta, quæ nulli umquam pátuit, præsignábat. Hanc dénique præ céteris Isaías nunc virgam de radíce Jesse oritúram promittébat, nunc evidéntius vírginem paritúram. Mérito signum hoc magnum in cælo apparuísse scríbitur, quod tanto ante de cælo nóscitur fuísse promíssum.
&teDeum

[Lectio M11]
De Expositióne S. Basilíi Epíscopi in Isaíam Prophétam
!In cap. 8 post initium
Accéssi, inquit, ad prophetíssam, et in útero accépit et péperit fílium. Quod María prophetíssa fúerit, ad quam próxime accéssit Isaías per prænotiónem spíritus, nemo contradíxerit, qui sit memor verbórum Maríæ, quæ prophético affláta spíritu elocúta est. Quid enim ait? Magníficat ánima mea Dóminum: et exsultávit spíritus meus in Deo, salutári meo. Quia respéxit humilitátem ancíllæ suæ: ecce enim ex hoc beátam me dicent omnes generatiónes. Quod si ánimum accommodáveris univérsis ejus verbis, non útique per dissídium negáveris eam fuísse prophetíssam, quod Dómini Spíritus in eam supervénerit, et virtus Altíssimi obumbráverit ei.
&teDeum

[Lectio M12]
Ex libro Officiórum S. Ambrósii Epíscopi
!Lib. 1, cap. 18
Bonus regéndæ castitátis pudor est comes, qui primus, in ipso cognitiónis ingréssu, Dómini Matrem comméndat legéntibus, et tamquam testis lócuples dignam quæ ad tale munus eligerétur ástruit: quod in cubículo, quod sola, quod salutáta ab Angelo tacet et mota est in intróitu ejus, quod ad virílis sexus spéciem peregrínam turbátur aspéctus Vírginis. Itaque, quamvis esset húmilis præ verecúndia tamen non resalutávit, nec ullum respónsum rétulit, nisi ubi de suscipiénda Dómini generatióne cognóvit; ut qualitátem efféctus dísceret, non ut sermónem refélleret.
&teDeum

[Introitus]
@Commune/C11

[Lectio]
@Commune/C11

[Graduale]
@Commune/C11

[Evangelium]
@Commune/C11

[Offertorium]
@Commune/C11

[Secreta]
@Commune/C11

[Communio]
@Commune/C11

[Postcommunio]
@Commune/C11