(Ad fidem gentibus annuntiandam petitur benedictio)
66:2 Deus misereátur nostri, et benedícat nobis; * serénum prǽbeat nobis vultum suum,
66:3 Ut cognóscant in terra viam ejus, * in ómnibus géntibus salútem ejus.
66:4 Célebrent te pópuli, Deus, * célebrent te pópuli omnes.
66:5 Læténtur et exsúltent natiónes, * quod regis pópulos cum æquitáte, et natiónes in terra gubérnas.
66:6 Célebrent te pópuli, Deus, célebrent te pópuli omnes. * (7a) Terra dedit fructum suum:
66:7b Benedíxit nobis Deus, Deus noster. (8) Benedícat nobis Deus, * et tímeant eum omnes fines terræ!