53:1 Deus, in nómine tuo salvum me fac, * et virtúte tua age causam meam.
53:2 Deus, audi oratiónem meam; * áuribus pércipe verba oris mei.
53:3 Nam supérbi insurrexérunt contra me, et violénti quæsiérunt vitam meam; non proposuérunt Deum ante óculos suos.
53:4 Ecce, Deus, ádjuvat me, * dóminus susténtat vitam meam.
53:5 Retórque malum in adversários meos, * et pro fidelitáte tua déstrue illos.
53:6 Voluntárie sacrificábo tibi, * celebrábo nomen tuum, Dómine, quia bonum est.
53:7 Nam ex omni tribulatióne erípuit me, * et inimícos meos confúsos vidit óculus meus.