(Quis dignus est qui appareat coram Domino?)
14:1 Dómine, quis commorábitur in tabernáculo tuo, * quis habitábit in monte sancto tuo?
14:2 Qui ámbulat sine mácula et facit justítiam et cógitat recta in corde suo, * (3a) nec calumniátur lingua sua;
14:3b Qui non facit próximo suo malum, * neque oppróbrium infert vicíno suo;
14:4a Qui contemptíbilem ǽstimat ímprobum, * timéntes vero Dóminum honórat;
14:4b Qui, etsi jurávit cum damno suo, non mutat, (5a) pecúniam suam non dat ad usúram * neque áccipit múnera contra innocéntem.
14:5b Qui facit hæc, * non movébitur in ætérnum.