(Pii Israelitæ felicitas domestica)
127:1 Beátus, quicúmque times Dóminum, * qui ámbulas in viis ejus!
127:2 Nam labórem mánuum tuárum manducábis, * beátus eris et bene tibi erit.
127:3a Uxor tua sicut vitis fructífera * in penetrálibus domus tuæ,
127:3b Fílii tui ut súrculi olivárum * circa mensam tuam.
127:3 Ecce sic benedícitur viro, * qui timet Dóminum!
127:5 Benedícat tibi Dóminus ex Sion, * ut vídeas prosperitátem Jerúsalem ómnibus diébus vitæ tuæ;
127:6 Ut vídeas fílios filiórum tuórum: * pax super Israël!