126:1 Nisi Dóminus ædificáverit domum, * in vanum labórant qui ædíficant eam.
126:2 Nisi Dóminus custodíerit civitátem, * in vanum vígilat custos.
126:3 Vanum est vobis súrgere ante lucem, * sedére in multam noctem, qui manducátis panem duri labóris:
126:4 Quóniam largítur diléctis suis in somno. * Ecce donum Dómini sunt fílii, merces est fructus ventris.
126:5 Sicut sagíttæ in manu bellatóris, * ita fílii juventútis.
126:6 Beátus vir qui eis implévit pháretram suam: * non confundéntur, cum conténderint cum inimícis in porta.