(Lamentatio justi in Deum fidentis)
12:2 Quoúsque, Dómine? obliviscéris mei omníno? * quoúsque abscóndes fáciem tuam a me?
12:3a Quoúsque volvam dolóres in ánima mea, * mærórem in corde meo cotídie?
12:3b Quoúsque se extóllet inimícus meus super me? * (4a) réspice, exáudi me, Dómine Deus meus!
12:4b Illústra óculos meos, ne obdórmiam in morte, * (5a) ne dicat inimícus meus: «Devíci eum»;
12:5b Ne exsúltent adversárii mei, quod corrúerim: * (6a) cum confísus sim in misericórdia tua.
12:6b Exsúltet cor meum de auxílio tuo; * cantem Dómino, qui bona tríbuit mihi.