(Contra linguas iniquas)
119:1 Ad Dóminum, cum tribulárer, clamávi * et exaudívit me.
119:2 Dómine, líbera ánimam meam a lábio iníquo, * a lingua dolósa.
119:3 Quid dabit tibi aut quid addet tibi, * lingua dolósa?
119:4 Sagíttas poténtis acútas * et carbónes genistárum.
119:5 Heu mihi, quod dego in Mosoch, hábito in tentóriis Cedar! * (6a) Nímium habitávit ánima mea
119:6b Cum iis, qui odérunt pacem. † (7) Ego pacem cum loquor, * illi urgent ad bellum.