(Justorum sors bona, impiorum mala)
1:1a Beátus vir, qui non séquitur * consílium impiórum,
1:1b Et viam peccatórum non ingréditur, * et in convéntu protervórum non sedet;
1:2 Sed in lege Dómini volúptas ejus est, * et de lege ejus meditátur die ac nocte.
1:3a Et est tamquam arbor * plantáta juxta rivos aquárum,
1:3b Quæ fructum præbet témpore suo, cujúsque fólia non marcéscunt, * et quæcúmque facit, próspere procédunt.
1:4 Non sic ímpii, non sic; * sed tamquam pálea, quam díssipat ventus.
1:5 Ideo non consístent ímpii in judício, * neque peccatóres in concílio justórum.
1:6 Quóniam Dóminus curat viam justórum, * et via impiórum períbit.