[Rank]
Beatæ Mariæ Virginis de Guadalupe;;Duplex;;3;;vide C11

[Ant Vespera]
Quæ est ista * quæ procéssit sicut sol, et formósa tamquam Jerúsalem?;;109
Vidérunt eam * fíliæ Sion vernántem in flóribus rosárum, et beatíssimam prædicavérunt.;;112
Flores apparuérunt * in terra nostra: te laudámus, Sancta Dei Génetrix.;;121
Cantáte ei * cánticum novum: Annuntiáte inter gentes glóriam ejus.;;126
Tu glória * Jerúsalem, tu lætítia Israël, tu honorificéntia pópuli tui.;;147

[Versum 1]
V. Non fecit táliter omni natióni.
R. Et judícia sua non manifestávit eis.

[Ant 1]
Elégi et sanctificávi locum istum; * Ut sit ibi nomen meum, et permáneant óculi mei, et cor meum ibi cunctis diébus.

[Oratio]
Deus, qui sub beatíssimæ Vírginis Maríæ singulári patrocínio constitútos perpétuis benefíciis nos cumulári voluísti: præsta supplícibus tuis; ut, cujus hódie commemoratióne lætámur in terris, ejus conspéctu perfruámur in cælis.
$Per Dominum

[Lectio94]
Méxici, in colle Tepeiacénsi, anno millésimo quingentésimo trigésimo primo Deípara Virgo Maria Joánni Dídaco neóphyto, uti pie tráditur, sese vidéndam prǽbuit, eíque ad antístitem Joánnem de Zumárraga mandátum dedit, quod et instánter iterávit, de æde síbimet ínibi construénda. Epíscopus vero signum expétiit. Mox neóphytum pátruo moritúro sacraménta longínquius ab apparitiónis loco quæréntem, tértio visu dignátur alma Mater, de pátrui sanitáte serénat, rosásque extra tempus obórtas, in eius pállio compósitas, ad epíscopum deférri iubet. Cuius in conspéctu rosis effúsis, Maríæ imágo, ipsi pállio impréssa, uti tráditur, mirum in modum præséntibus appáruit. Quæ in sacéllo episcopáli primum asserváta, dein ad exstrúctam ædem in colle Tepeiacénsi transláta, dénique in magnífico templo excépta est, quo turmátim plebes Mexicánæ magis magísque conveníre cœpérunt, veneratiónis grátia et frequéntiæ miraculórum. Ideóque tamquam præsentíssimum præsídium Mexicáni antístites, univérso pópulo plaudénte, beatam Vírginem Maríam de Guadalupe in primáriam Patrónam gentis Mexicánæ elegérunt, quod Benedíctus décimus quártus apostólica auctoritáte rite confirmávit. Leo tértius décimus sacram effígiem áurea coróna, Colúmbi recurrénte die, anno millésimo octingentésimo nonagésimo quinto per Mexicánum archiepíscopum decorávit. Sanctus vero Pius décimus beátam Vírginem Guadalupénsem univérsæ Américæ Latínæ Patrónam declarávit.
&teDeum

[Capitulum Laudes]
!Prov 8:34-35
v. Beátus homo qui audit me, et qui vígilat ad fores meas cotídie, et obsérvat ad postes óstii mei. Qui me invénerit, invéniet vitam, et háuriet salútem a Dómino.
$Deo gratias

[Hymnus Laudes]
!Ex S. Anselmo Ep. Cantuariensi
v. Alma Parens, omni carens
Corruptélæ mácula,
Quam elégit qui confrégit
Diræ mortis víncula.
_
Clemens! præsta, ut, qui festa
Tua gaudent cólere,
Gratuléntur et læténtur,
Veræ lucis lúmine.
_
Primum quidem nobis fidem
Tuis auge précibus,
Spe labéntes firma mentes,
Caritáte róbora.
_
Mater Dei! nostræ spei
Causa et exórdium,
Aufer bella et flagélla,
Famem, pestem, gládium.
_
Egenórum et vinctórum
Consoláre gémitum;
Fave votis, dans ægrótis
Optátum remédium.
_
Pax et quies nostros dies
Fáciant lætíssimos;
Inimícos fac amícos,
Seda malos hómines.
_
O María, Mater pia,
Tuum da subsídium,
Ut regnémus et laudémus
Tuum semper Fílium.
_
Pater Deus, Fili Deus,
Deus alme Spíritus,
Per ætérna nos gubérna
Sæcla, Deus Trínitas.
Amen.

[Versum 2]
V. Omnis terra adóret te, et psallat tibi. 
R. Psalmum dicat nómini tuo, Dómine.

[Ant 2]
Quasi arcus * refúlgens inter nébulas glóriæ, et quasi flos rosárum in diébus vernis.

[Ant 3]
Leva in circúitu * óculos tuos, et vide: omnes isti congregáti sunt, venérunt tibi: fílii tui de longe vénient, et fíliæ tuæ de látere surgent.