[Rank]
In Octava Epiphaniae;;Duplex majus;;4;;ex Sancti/01-06

[Rank1960]
Commemoratio Baptismatis Domini Nostri Jesu Christi;;Duplex II. classis;;5;;ex Sancti/01-06

[Rule]
ex Sancti/01-06;
Lectio1 tempora
Doxology=Epi
9 lectiones
Comkey=20

[Oratio]
Deus, cujus Unigenitus in substantia nostrae carnis apparuit: praesta quaesumus:~
ut per eum, quem similem nobis foris agnovimus, intus reformari mereamur:
$Qui tecum

[Lectio4]
Sermo sancti Gregorii Nazianzeni.
!Orat. in sancta Lumina.
Non possum cohibere laetitiae voluptatem, sed mente extollor, et afficior: et~
propriae pusillitatis oblitus, officium magni Joannis, immo potius famulatum~
subire contendo, ac gestio et licet non sim praecursor, de eremo tamen venio.~
Christus ergo illuminatur, immo potius fulgore suo nos illuminat: Christus~
baptizatur, simul et nos descendamus, ut cum ipso pariter ascendamus.

[Lectio5]
Joannes baptizat, et accedit Jesus, sanctificans quidem et ipsum, qui baptizat,~
praecipue tamen ut et veterem Adam sepeliat in aquis, et ante omnia, ut per haec~
sanctificentur aquae Jordanis: ut sicut erat spiritus et caro, ita et his, qui~
baptizandi erant, in spiritu et aqua sanctificationis successio traderetur. Non~
suscipit Baptista, contendit Jesus. Ego, inquit, opus habeo a te baptizari.~
Lucerna dicit ad Solem, et vox loquitur ad Verbum.

[Lectio6]
Ascendit Jesus de aqua, secum quodammodo demersum educens et elevans mundum: et~
vidit non dividi coelum, sed aperiri, quod sibi ac nobis post se aliquando Adam~
ille concluserat; sicut et igneo gladio paradisus fuerat conclusus. Spiritus~
Sanctus testimonium perhibet: similia namque sibi ipsa concurrunt. De coelo~
testimonium defertur: inde enim erat ille, cui testimonium perhibetur.

[Lectio7]
Lectio sancti Evangelii secundum Joannem.
!John 1:29-34
In illo tempore: Vidit Joannes Jesum venientem ad se, et ait: Ecce Agnus Dei,~
ecce qui tollit peccatum mundi. Et reliqua.
_
Homilia sancti Augustini Episcopi.
!Tract. 6. in Joann., ante med.
Antequam veniret Dominus ut baptizaretur a Joanne in Jordane, noverat eum illis~
vocibus, ubi ait: Tu ad me venis baptizari? ego a te debeo baptizari. Sed ecce~
Dominum noverat, noverat Filium Dei. Unde probamus quod jam noverat, quia ipse~
baptizaret in Spiritu sancto? Antequam veniret ad fluvium, cum multi ad Joannem~
currerent baptizari, ait illis: Ego quidem baptizo vos in aqua: qui autem post~
me venit, major me est: cujus non sum dignus corrigiam calceamenti solvere: ipse~
vos baptizabit in Spiritu Sancto, et igni. Jam et hoc noverat.

[Lectio8]
Quid ergo per columbam didicit, ne mendax postea invenietur, (quod avertat a~
nobis Deus opinari) nisi quamdam proprietatem in Christo talem futuram, ut~
quamvis multi ministri baptizaturi essent, sive justi, sive injusti, non~
tribueretur sanctitas baptismi, nisi illi, super quem descendit columba, de quo~
dictum est: Hic est qui baptizat in Spiritu Sancto? Petrus baptizet, hic est qui~
baptizat: Paulus baptizet, hic est qui baptizat: Judas baptizet, hic est qui~
baptizat. Nam si pro diversitate meritorum baptisma sanctum est: quia diversa~
sunt merita, diversa erunt baptismata: et tanto quisque aliquid melius putatur~
accipere, quanto a meliore videtur accepisse.

[Lectio9]
Ipsi sancti, (intelligite fratres) boni pertinentes ad columbam, pertinentes ad~
sortem civitatis illius Jerusalem, ipsi boni in Ecclesia, de quibus dicit~
Apostolus: Novit Dominus qui sunt ejus; diversarum gratiarum sunt, non omnes~
paria merita habent. Sunt alii aliis sanctiores sunt alii aliis meliores. Quare~
ergo si unus ab illo, verbi gratia, justo, sancto baptizetur, alius ab alio~
inferioris meriti apud Deum, inferioris gradus, inferioris continentiae,~
inferioris vitae unum tamen et par et aequale est quod acceperunt, nisi quia~
hic est, qui baptizat?
&teDeum