[Rank]
In Octava S. Joannis;;Simplex;;1.1;;vide Sancti/12-27

[Rank1960]
Die Tertia Januarii;;Feria;;1.2;;vide Sancti/01-01

[RankTrident]
In Octava S. Joannis;;Duplex;;3;;ex Sancti/12-27

[Rule]
vide Sancti/12-27;
Feria Te Deum
Comkey=70
9 lectiones

[Capitulum Vespera] (rubrica Divino aut rubrica Tridentina aut rubrica Monastica)
!Sir 15:1-2
v. Qui timet Deum, faciet bona: et qui continens est justitiae, apprehendet~
illam, et obviabit illi quasi mater honorificata.
$Deo gratias

[Lectio1]
De Epistola ad Romanos
!Rom 6:1-5
6:1 Quid ergo dicemus? permanebimus in peccato ut gratia abundet? 
6:2 Absit. Qui enim mortui sumus peccato, quomodo adhuc vivemus in illo? 
6:3 an ignoratis quia quicumque baptizati sumus in Christo Jesu, in morte ipsius baptizati sumus? 
6:4 Consepulti enim sumus cum illo per baptismum in mortem: ut quomodo Christus surrexit a mortuis per gloriam Patris, ita et nos in novitate vitae ambulemus. 
6:5 Si enim complantati facti sumus similitudini mortis ejus: simul et resurrectionis erimus. 

[Lectio2]
!Rom 6:6-11
6:6 Hoc scientes, quia vetus homo noster simul crucifixus est, ut destruatur corpus peccati, et ultra non serviamus peccato. 
6:7 Qui enim mortuus est, justificatus est a peccato. 
6:8 Si autem mortui sumus cum Christo, credimus quia simul etiam vivemus cum Christo, 
6:9 scientes quod Christus resurgens ex mortuis jam non moritur: mors illi ultra non dominabitur. 
6:10 Quod enim mortuus est peccato, mortuus est semel: quod autem vivit, vivit Deo. 
6:11 Ita et vos existimate vos mortuos quidem esse peccato, viventes autem Deo, in Christo Jesu Domino nostro. 

[Lectio3]
!Rom 6:12-18
6:12 Non ergo regnet peccatum in vestro mortali corpore ut obediatis concupiscentiis ejus. 
6:13 Sed neque exhibeatis membra vestra arma iniquitatis peccato: sed exhibete vos Deo, tamquam ex mortuis viventes: et membra vestra arma justitiae Deo. 
6:14 Peccatum enim vobis non dominabitur: non enim sub lege estis, sed sub gratia. 
6:15 Quid ergo? peccabimus, quoniam non sumus sub lege, sed sub gratia? Absit. 
6:16 Nescitis quoniam cui exhibetis vos servos ad obediendum, servi estis ejus, cui obeditis, sive peccati ad mortem, sive obeditionis ad justitiam? 
6:17 Gratias autem Deo quod fuistis servi peccati, obedistis autem ex corde in eam formam doctrinae, in quam traditi estis. 
6:18 Liberati autem a peccato, servi facti estis justitiae. 

[Responsory1]
@Sancti/01-01:Responsory4

[Responsory2]
@Sancti/01-01:Responsory5

[Responsory3]
@Sancti/01-01:Responsory6

[Lectio93]
Ex Tractatu sancti Augustini Episcopi in Joannem.
!Tract 5
In quatuor Evangeliis, vel potius quatuor libris unius Evangelii, sanctus~
Joannes Apostolus non immerito secundum intelligentiam spiritalem aquilae~
comparatus, altius multoque sublimius aliis tribus erexit praedicationem suam:~
et in ejus erectione etiam corda nostra erigi voluit Nam ceteri tres~
Evangelistae tamquam cum homine Domino in terra ambulant, et de divinitate ejus~
pauca dixerunt: istum autem quasi piguerit in terra ambulare, sicut ipso exordio~
sui sermonis intonuit, erexit se non solum super terram, et super omnem ambitum~
aeris et coeli, sed super omnem etiam exercitum Angelorum, omnemque~
constitutionem invisibilium potestatum: et pervenit ad eum, per quem facta sunt~
omnia, dicendo: In principio erat Verbum, et Verbum erat apud Deum, et Deus erat~
Verbum.

[Lectio4]
Ex Tractatu sancti Augustini Episcopi in Joannem.
!Tract 5
In quatuor Evangeliis, vel potius quatuor libris unius Evangelii, sanctus~
Joannes Apostolus non immerito secundum intelligentiam spiritalem aquilae~
comparatus, altius multoque sublimius aliis tribus erexit praedicationem suam:~
et in ejus erectione etiam corda nostra erigi voluit Nam ceteri tres~
Evangelistae tamquam cum homine Domino in terra ambulant, et de divinitate ejus~
pauca dixerunt: istum autem quasi piguerit in terra ambulare, sicut ipso exordio~
sui sermonis intonuit, erexit se non solum super terram, et super omnem ambitum~
aeris et coeli, sed super omnem etiam exercitum Angelorum, omnemque~
constitutionem invisibilium potestatum: et pervenit ad eum, per quem facta sunt~
omnia, dicendo: In principio erat Verbum, et Verbum erat apud Deum, et Deus erat~
Verbum.

[Lectio5]
Huic tantae sublimitati principii etiam cetera congrua praedicavit, et de Domini~
divinitate, quomodo nullus alius, est locutus: hoc ructabat, quod biberat. Non~
enim sine causa de illo in isto ipso Evangelio narratur, quia et in convivio~
super pectus Domini discumbebat. De illo ergo pectore in secreto bibebat, sed~
quod in secreto bibit, in manifesto eructavit: ut perveniat ad omnes gentes non~
solum incarnatio Filii Dei, passio, et resurrectio, sed etiam quod erat ante~
incarnationem unicus Patri, Verbum Patris, coaeternus generanti, aequalis ei a~
quo missus est.

[Lectio6]
Aquila ipse est Joannes, sublimium praedicator, et lucis internae atque aeternae~
fixis oculis contemplator. Dicuntur enim et pulli aquilarum a parentibus sic~
probari, patris scilicet ungue suspendi, et radiis solis opponi. Qui firme~
contemplatus fuerit, filius agnoscitur: si acie palpitaverit, tamquam~
adulterinus ab ungue dimittitur. Jam ergo videte, quam sublimia loqui debuit,~
qui est equuae comparatus: et tamen etiam nos humi repentes, infirmi, et vix~
ullius momenti inter homines, audemus tractare ista, et ista exponere: et~
putamus nos aut capere posse cum cogitamus, aut capi dum dicimus.

[Lectio7]
Lectio sancti Evangelii secundum Joannem.
!John 21:20-24
In illo tempore: Dixit Jesus Petro: Sequere me. Conversus Petrus, vidit illum~
discipulum, quem diligebat Jesus, sequentem. Et reliqua.
_
Homilia sancti Joannis Chrysostomi.
!Hom. 87. in Joann., circa med.
Cum magna Christus Petro communicasset, orbis terrarum curam demandasset,~
martyrium praedixisset et majorem erga eum dilectionem testatus esset: cum~
vellet Petrus Joannem socium et collegam, inquit: Hic autem quid? Numquid eamdem~
viam aggredietur? Et quemadmodum in cena interrogare non ausus, Joannem~
suffiecit; ita nunc vicem reddit, arbitratus eum velle, sed non audere de se~
sciscitari. Tum Christus: Si eum volo manere donec veniam, quid ad te?

[Lectio8]
Nam cum nimia id caritate diceret Petrus, nec ab eo dividi vellet, ostendens~
Christus, quod quantavis eum dilectione prosequeretur, suam assequi non posset,~
inquit: Si eum volo manere, quid ad te? His verbis nos erudiens, neque dolendum,~
neque curiosius praeter divinam voluntatem investigandum. Nam cum Petrus semper~
in hujusmodi interrogationes ferventius prosideret, iterum ejus fervorem~
retundens, quod non sit ulterius inquirendum, in hunc modum respondit.

[Lectio9]
Exiit ergo sermo iste inter fratres, quod discipulus ille non moritur: et non~
dixit ei Jesus, quia non moritur; sed, Si eum volo manere donec veniam quid ad~
te? Noli arbitrari, inquit, eodem modo me de vobis disposuisse. Hoc autem dixit,~
ut intempestivum affectum, et consuetudinis desiderium tolleret. Cum enim essent~
orbis terrarum curam suscepturi, simul amplius esse non oportebat: magnum enim~
fuisset mundo detrimentum. Idcirco inquit: Opus suscepisti, id considera:~
perfice, labora, et te certaminibus expone. Quid ad te, si volo eum manere hic?~
tu officium tuum cura, et exsequere.
&teDeum