[Rank]
In Circumcisione Domini;;Duplex II classis;;5.1;;ex Sancti/12-25

[Rank1960]
Die Octavae Nativitatis Domini;;Duplex I classis;;6;;ex Sancti/12-25

[RankNewcal]
Die Octavae Nativitatis Domini;;Duplex I classis;;6;;ex Sancti/12-25

[Rule]
ex Sancti/12-25;
Psalmi Dominica
Antiphonas Horas
9 lectiones 1960
no commemoratio

[Ant Vespera]
O admirabile commercium: * Creator generis humani animatum corpus sumens, de Virgine nasci dignatus est: et procedens homo sine semine, largitus est nobis suam Deitatem;;109
Quando natus es * ineffabiliter ex Virgine, tunc impletae sunt Scripturae: sicut pluvia in vellus descendisti, ut salvum faceres genus humanum: te laudamus Deus noster;;112
Rubum quem viderat Moyses * incombustum, conservatam agnovimus tuam laudabilem virginitatem: Dei Genitrix, intercede pro nobis;;121
Germinavit radix Jesse, * orta est stella ex Jacob: Virgo peperit Salvatorem: te laudamus Deus noster;;126
Ecce Maria genuit * nobis Salvatorem, quem Joannes videns exclamavit, dicens: Ecce Agnus Dei, ecce qui tollit peccata mundi, alleluia;;147

[Capitulum Vespera]
!Titus 2:11-12
v. Apparuit gratia Dei Salvatoris nostri omnibus hominibus, erudiens nos, ut abnegantes impietatem, et saecularia desideria, sobrie, et juste, et pie vivamus in hoc saeculo.
$Deo gratias

[Versum 1]
V. Verbum caro factum est, alleluia.
R. Et habitavit in nobis, alleluia.

[Ant 1]
Propter nimiam * caritatem suam, qua dilexit nos Deus, Filium suum misit in similitudinem carnis peccati, alleluia.

[Oratio]
Deus, qui salutis aeternae, beatae Mariae virginitate foecunda, humano generi praemia praestitisti: tribue quaesumus; ut ipsam pro nobis intercedere sentiamus, per quam meruimus auctorem vitae suscipere, Dominum nostrum Jesum Christum Filium tuum:
$Qui tecum

[Ant Matutinum]
Dominus dixit * ad me Filius meus es tu, ego hodie genui te;;2
In sole posuit * tabernaculum suum: et ipse tamquam sponsus procedens de thalamo suo;;18
Elevamini * portae aeternales, et introibit Rex gloriae;;23
V. Tamquam sponsus.
R. Dominus procedens de thalamo suo.
Speciosus forma * prae filiis hominum, diffusa est gratia in labiis tuis;;44
Homo natus est * in ea, et ipse fundavit eam Altissimus;;86
Exsultabunt omnia ligna * silvarum ante faciem Domini, quoniam venit;;95
V. Speciosus forma prae filiis hominum.
R. Diffusa est gratia in labiis tuis.
In principio * et ante saecula Deus erat Verbum, et ipse natus est hodie Salvator mundi;;96
Ante luciferum genitus * et ante saecula, Dominus Salvator noster hodie nasci dignatus est;;97
Nato Domino * Angelorum chorus canebat, dicens: Salus Deo nostro, sedenti super thronum, et Agno;;98
V. Notum fecit Dominus, alleluia.
R. Salutare suum, alleluia.

[Lectio1]
De Epistola beati Pauli Apostoli ad Romanos.
!Rom 4:1-8
1 Quid ergo dicemus invenisse Abraham patrem nostrum secundum carnem?
2 Si enim Abraham ex operibus justificatus est, habet gloriam, sed non apud Deum.
3 Quid enim dicit Scriptura? Credidit Abraham Deo, et reputatum est illi ad justitiam.
4 Ei autem qui operatur, merces non imputatur secundum gratiam, sed secundum debitum.
5 Ei vero qui non operatur, credenti autem in eum, qui justificat impium, reputatur fides ejus ad justitiam secundum propositum gratiae Dei.
6 Sicut et David dicit beatitudinem hominis, cui Deus accepto fert justitiam sine operibus:
7 Beati, quorum remissae sunt iniquitates, et quorum tecta sunt peccata.
8 Beatus vir, cui non imputavit Dominus peccatum.

[Responsory1]
R. Ecce Agnus Dei, ecce qui tollit peccata mundi: ecce de quo dicebam vobis: Qui post me venit, ante me factus est:
* Cujus non sum dignus corrigiam calceamenti solvere.
V. Qui de terra est, de terra loquitur: qui de caelo venit, super omnes est.
R. Cujus non sum dignus corrigiam calceamenti solvere.

[Lectio2]
!Rom 4:9-12
9 Beatitudo ergo haec in circumcisione tantum manet, an etiam in praeputio? Dicimus enim quia reputata est Abrahae fides ad justitiam.
10 Quomodo ergo reputata est? in circumcisione, an in praeputio? Non in circumcisione, sed in praeputio.
11 Et signum accepit circumcisionis, signaculum justitiae fidei, quae est in praeputio: ut sit pater omnium credentium per praeputium, ut reputetur et illis ad justitiam:
12 et sit pater circumcisionis non iis tantum, qui sunt ex circumcisione, sed et iis qui sectantur vestigia fidei, quae est in praeputio patris nostri Abrahae.

[Responsory2]
R. Dies sanctificatus illuxit nobis: venite Gentes, et adorate Dominum:
* Quia hodie descendit lux magna in terris.
V. Haec dies quam fecit Dominus, exsultemus et laetemur in ea.
R. Quia hodie descendit lux magna in terris.

[Lectio3]
!Rom 4:13-17
13 Non enim per legem promissio Abrahae, aut semini ejus ut haeres esset mundi: sed per justitiam fidei.
14 Si enim qui ex lege, heredes sunt: exinanita est fides, abolita est promissio.
15 Lex enim iram operatur. Ubi enim non est lex, nec praevaricatio.
16 Ideo ex fide, ut secundum gratiam firma sit promissio omni semini, non ei qui ex lege est solum, sed et ei qui ex fide est Abrahae, qui pater est omnium nostrum
17 (sicut scriptum est: Quia patrem multarum gentium posui te) ante Deum, cui credidit, qui vivificat mortuos, et vocat ea quae non sunt, tamquam ea quae sunt:

[Responsory3]
R. Benedictus qui venit in nomine Domini, Deus Dominus, et illuxit nobis:
* Alleluia, alleluia.
V. Haec dies quam fecit Dominus, exsultemus et laetemur in ea.
R. Alleluia, alleluia.
&Gloria
R. Alleluia, alleluia.

[Lectio4]
Sermo sancti Leonis Papae.
!Sermo 7. de Nativitate Domini.
Festivitatis hodiernae, dilectissimi, verus venerator est, et pius cultor, qui nec de Incarnatione Domini aliquid falsum, nec de Deitate aliquid sentit indignum. Paris enim periculi malum est, si illi aut naturae nostrae veritas, aut paternae gloriae negatur aequalitas. Cum ergo ad intelligendum sacramentum Nativitatis Christi, qua de matre virgine est ortus, accedimus, abigatur procul terrenarum caligo rationum, et ab illuminatae fidei oculo mundanae sapientiae fumus abscedat.

[Responsory4]
R. Congratulamini mihi omnes qui diligitis Dominum.
* Quia cum essem parvula, placui Altissimo, et de meis visceribus genui Deum et hominem.
V. Beatam me dicent omnes generationes, quia ancillam humilem respexit Deus.
R. Quia cum essem parvula, placui Altissimo, et de meis visceribus genui Deum et hominem.

[Lectio5]
Divina est enim auctoritas cui credimus: divina est doctrina, quam sequimur. Quoniam sive legis testificationi, sive oraculis Prophetarum, sive evangelicae tubae interiorem admoveamus auditum; verum est, quod Joannes plenus Spiritu Sancto intonuit: In principio erat Verbum, et Verbum erat apud Deum, et Deus erat Verbum. Hoc erat in principio apud Deum. Omnia per ipsum facta sunt, et sine ipso factum est nihil. Et similiter verum est, quod idem praedicator adjecit: Verbum caro factum est, et habitavit in nobis: et vidimus gloriam ejus, gloriam quasi unigeniti a Patre.

[Responsory5]
R. Confirmatum est cor Virginis, in quo divina mysteria, Angelo nuntiante, concepit: tunc speciosum forma prae filiis hominum castis suscepit visceribus:
* Et benedicta in aeternum, Deum nobis protulit et hominem.
V. Domus pudici pectoris templum repente fit Dei, intacta nesciens virum, verbo concepit Filium.
R. Et benedicta in aeternum, Deum nobis protulit et hominem.

[Lectio6]
In utraque ergo natura idem est Dei Filius, nostra suscipiens, et propria non amittens: in homine hominem renovans, in se incommutabilis perseverans. Deitas enim, quae illi cum Patre communis est, nullum detrimentum omnipotentiae subiit, nec Dei formam servi forma violavit: quia summa et sempiterna essentia, quae se ad humani generis inclinavit salutem, nos quidem in suam gloriam transtulit, sed quod erat, esse non destitit. Unde cum Unigenitus Dei minorem se Patre confitetur, cui se dicit aequalem, veritatem in se formae utriusque demonstrat: ut et humanam probet imparilitas, et divinam declaret aequalitas.

[Responsory6]
R. Benedicta et venerabilis es Virgo Maria, quae sine tactu pudoris inventa es mater Salvatoris:
* Jacebat in praesepio, et fulgebat in caelo.
V. Domine audivi auditum tuum, et timui: consideravi opera tua, et expavi: in medio duorum animalium.
R. Jacebat in praesepio, et fulgebat in caelo.
&Gloria
R. Jacebat in praesepio, et fulgebat in caelo.

[Lectio7]
Lectio sancti Evangelii secundum Lucam.
!Luke 2:21
In illo tempore: Postquam consummati sunt dies octo, ut circumcideretur puer: vocatum est nomen ejus Jesus. Et reliqua.
_
Homilia sancti Ambrosii Episcopi.
!Liber 2 in cap. 2 Lucae, circa medium
Circumciditur itaque puer. Quis est iste puer, nisi ille, de quo dictum est: Puer natus est nobis, filius datus est nobis? Factus est enim sub lege, ut eos, qui sub lege essent, lucrifaceret. Ut sisterent eum Domino. Quid sit autem in Jerusalem sisti Domino, dicerem, nisi in Isaiae commentis ante dixissem. Circumcisus enim vitiis, Dominico dignus judicatur obtutu: quia oculi Domini super justos. Vides omnem legis veteris seriem fuisse typum futuri: nam et circumcisio purgationem significat delictorum.

[Responsory7]
R. Sancta et immaculata virginitas, quibus te laudibus efferam nescio:
* Quia quem caeli capere non poterant, tuo gremio contulisti.
V. Benedicta tu in mulieribus, et benedictus fructus ventris tui.
R. Quia quem caeli capere non poterant, tuo gremio contulisti.

[Lectio8]
Sed quoniam prona quadam cupiditate peccandi, humanae carnis et mentis fragilitas inextricabilibus vitiis implicatur, eo per octavum circumcisionis diem culpae totius futura purgatio, resurrectionis praefigurabatur aetate. Hoc est enim illud: Quia omne masculinum adaperiens vulvam, sanctum Domino vocabitur. Verbis enim legis promittebatur Virginis partus. Et vere sanctus, quia immaculatus. Denique ipsum esse, qui lege signetur, in eumdem modum ab Angelo repetita verba declarant: Quod nascetur, inquit, Sanctum, vocabitur Filius Dei.

[Responsory8]
R. Nesciens mater virgo virum, peperit sine dolore:
* Salvatorem saeculorum, ipsum Regem Angelorum, sola Virgo lactabat ubere de caelo pleno.
V. Domus pudici pectoris templum repente fit Dei: intacta nesciens virum, verbo concepit Filium.
R. Salvatorem saeculorum, ipsum Regem Angelorum, sola Virgo lactabat ubere de caelo pleno.
&Gloria
R. Salvatorem saeculorum, ipsum Regem Angelorum, sola Virgo lactabat ubere de caelo pleno.

[Lectio9]
Solus enim per omnia ex natis de femina sanctus Dominus Jesus, qui terrenae contagia corruptelae, immaculati partus novitate non senserit, et caelesti majestate depulerit. Nam si litteram sequamur: quomodo sanctus omnis masculus, cum multos sceleratissimos fuisse non lateat? Numquid sanctus Achab? Numquid sancti pseudoprophetae, quos ad Eliae preces ultor caelestis injuriae ignis absumpsit? Sed ille sanctus, quem in figura futuri mysterii pia legis divinae praescripta signabant; eo quod solus sanctae Ecclesiae virginis ad generandos populos Dei, immaculatae foecunditatis aperiret genitale secretum.
&teDeum

[Ant Laudes]
O admirabile commercium: * Creator generis humani, animatum corpus sumens, de Virgine nasci dignatus est: et procedens homo sine semine, largitus est nobis suam Deitatem.
Quando natus es * ineffabiliter ex Virgine, tunc impletae sunt Scripturae: sicut pluvia in vellus descendisti, ut salvum faceres genus humanum: te laudamus Deus noster.
Rubum quem viderat Moyses * incombustum, conservatam agnovimus tuam laudabilem virginitatem: Dei Genitrix, intercede pro nobis.
Germinavit radix Jesse, * orta est stella ex Jacob: Virgo peperit Salvatorem: te laudamus Deus noster.
Ecce Maria genuit * nobis Salvatorem, quem Joannes videns exclamavit, dicens: Ecce Agnus Dei, ecce qui tollit peccata mundi, alleluia.

[Capitulum Laudes]
!Titus 2:11-12
v. Apparuit gratia Dei Salvatoris nostri omnibus hominibus, erudiens nos, ut abnegantes impietatem, et saecularia desideria, sobrie, et juste, et pie vivamus in hoc saeculo.
$Deo gratias

[Versum 2]
V. Verbum caro factum est, alleluia.
R. Et habitavit in nobis, alleluia.

[Ant 2]
Mirabile mysterium * declaratur hodie: innovantur naturae, Deus homo factus est: id quod fuit permansit, et quod non erat assumpsit; non commixtionem passus, neque divisionem.

[Lectio Prima]
!Heb 1:11-12
v. Ipsi peribunt, tu autem permanebis; et omnes sicut vestimentum veterascent: et velut amictum mutabis eos, et mutabuntur; tu autem idem ipse es, et anni tui non deficient.

[Capitulum Tertia]
!Titus 2:11-12
v. Apparuit gratia Dei Salvatoris nostri omnibus hominibus, erudiens nos, ut abnegantes impietatem, et saecularia desideria, sobrie, et juste, et pie vivamus in hoc saeculo.
$Deo gratias

[Capitulum Sexta]
!Heb 1:10
v. Et: Tu in principio, Domine, terram fundasti: et opera manuum tuarum sunt caeli.
$Deo gratias

[Capitulum Nona]
!Heb 1:11-12
v. Ipsi peribunt, tu autem permanebis; et omnes sicut vestimentum veterascent: et velut amictum mutabis eos, et mutabuntur; tu autem idem ipse es, et anni tui non deficient.
$Deo gratias

[Ant 3]
Magnum hereditatis * mysterium: templum Dei factus est uterus nescientis virum: non est pollutus ex ea carnem assumens: omnes gentes venient, dicentes: Gloria tibi Domine.

[Capitulum Vespera 3]
!Titus 2:11-12
v. Apparuit gratia Dei Salvatoris nostri omnibus hominibus, erudiens nos, ut abnegantes impietatem, et saecularia desideria, sobrie, et juste, et pie vivamus in hoc saeculo.
$Deo gratias