XXIV. De Versibus

1. Versus semper dicuntur ad Matutinum post ultimum Psalmum et Antiphonam
Nocturnorum: sive in Officio dicantur tres Nocturni, sive unus. Ad Laudes et
Vesperas Versus dicitur post Hymnum: ad horas dicitur in Responsorio brevi,
post repetitionem partis Responsorii, dicto Gloria Patri.

2. In Pascha Resurrectionis et per Octavam usque ad Vesperas Sabbati in Albis
exclusive, in Nocturno tantum dicitur Versus, in aliis Horis non dicitur, ut
ibidem.

3. Quando fit aliqua commemoratio, semper post Antiphonam ejus, de quo fit
commemoratio, dicitur Versus, qui in ejus Officio ponitur post Hymnum Vesperam
et Laudum, nisi aliter notetur.

4. Versibus predictis tempore Paschali semper additur Alleluja: non autem
Versibus Precum, nec In Pretiosa ad Primam, neque in Versibus Responsoriorum
Matutini.

5. In Officio Festi trium Lectionum post omnes Psalmos feriales cum Antiphonis
dicitur Versus de Communi Sanctorum, hoc ordine: Feria secunda et quinta,
Versus primi Nocturni: Feria tertia et sexta, Versus secundi Nocturni: Feria
quarta, Versus tertii Nocturni.

5. Versus positi in Psalterio ad Laudes et Vesperas semper dicuntur, quando alii
proprii non assignantur in Proprio de Tempore.